Saılaý - elimizdiń barsha azamattarynyń kúsh-jigerin jumyldyrady - QR Joǵary oqý oryndarynyń qaýymdastyǵy
Ortalyq kommýnıkatsııalar qyzmetinde qaýymdastyq prezıdenti Rahman Alshanov birqatar respýblıkalyq JOO rektorlarymen birge atalmysh úndeýdi jarııalady.
"Elimizdiń akkredıtatsııadan ótken 77 oqý ornynyń basyn biriktirgen QR Joǵary oqý oryndarynyń qaýymdastyǵy Qazaqstan halqy Assambleıasynyń 2015 jyly merziminen buryn prezıdenttik saılaýdy ótkizý jónindegi bastamasyn qoldaıdy. Bul usynys sheshýshi kezeńde bizdiń qoǵamnyń áleýmettik-ekonomıkalyq máselelerge basa nazar aýdaryp, memlekettik strategııalyq baǵdarlamalardy tıimdi júzege asyrýǵa, jańa múmkindikterge jol ashady dep senemiz", - delingen málimdemede.
Qaýymdastyqtyń habarlaýynsha, saılaýdy bıyl ótkizý arqyly ekonomıkalyq turǵydan eseptegende saılaýǵa jumsalatyn bıýdjet qarjysyn aıtarlyqtaı únemdeýge bolady.
"Búgingi tańda beıbitshilik pen turaqtylyqtyqty, yntymaq pen birlikti nyǵaıtýdyń qoǵam men memlekettiń, elimizdiń barsha azamattarynyń kúsh-jigerin jumyldyrý jolynda mańyzy zor. Osyǵan baılanysty, Qazaqstan halqy Assambleıasynyń usynysyn qoldaı otyra, QR Joǵary oqý oryndarynyń qaýymdastyǵy kezekten tys prezıdenttik saılaýdy ótkizý bastamasyn halyq múddesine saı keletin eń durys sheshim dep sanaıdy. Bul - táýelsiz eldiń bolashaǵy úshin jasalatyn mańyzdy qadam", - deıdi Rahman Alshanov.