Saılaý: EQYU baıqaýshylary jumysyna kirisedi
«Saılaý nebári bir kúnniń ishinde óte shyǵatyn is-shara emes. Óıtkeni, saılaýǵa deıin jáne saılaýdan keıin de oryn alatyn protsester bar. Olar saılaý protsesiniń barynsha mańyzdy bóligi sanalady. Mine, osyǵan oraı biz mıssııamyzdyń aıasynda atalǵan protsesterdiń barlyǵyn qamtıtyn bolamyz. Bul mıssııa Qazaqstandaǵy saılaýlardy baıqaý jónindegi 11-shi shekteýli mıssııa sanalady», - dedi ol elordada ótken baspasóz máslıhatynda.
Onyń atap ótýinshe, EQYU Demokratııalyq ınstıtýttar jáne adam quqyqtary bıýrosynyń alǵashqy mıssııasy - 1999 jyly, al sońǵy mıssııasy 2019 jyldyń maýsymynda baıqaýshy retinde qatysty.
«Ótken jyly múddeli taraptarmen óte jaqsy yntymaqtastyqqa kýá boldyq. Bıyl da osy saılaý naýqany barysynda dál sondaı yntymaqtastyqtyń jalǵasýyn taǵatsyzdan kútemiz. Alǵashqy kezdesý osy baspasóz máslıhaty aıaqtalǵannan keıin QR Іshki ister mınıstrligimen ótedi. Odan keıin Ortalyq saılaý komıssııasynda kezdesý bolady», - dedi ıAroslav Domanskı.
Sonymen qatar ol Qazaqstandaǵy depýtattar saılaýy kezinde EQYU baıqaýshylary mıssııasynyń quramynda qandaı sarapshylar bolatyndyǵyn aıtyp berdi.
«Bul mıssııa tek qysqamerzimdi baıqaýshylardan ǵana jasaqtalmaıdy. Negizinen uzaqmerzimdi baıqaýshylar jumys isteıdi jáne saılaýǵa qatysty sarapshylardyń negizgi komandasy osydan eki kún buryn Nur-Sultan qalasyna keldi. Onyń quramynda 10 qatysýshy elden 11 sarapshy bar. Olardyń barlyǵy quqyqtyq, saılaý, saıası jáne BAQ-qa qatysty máseleler boıynsha sarapshylar sanalady», - dedi ol.
EQYU mıssııasynyń jetekshisi baıqaýshylar saılaý protsesiniń barlyq mańyzdy elementterin saralaıtynyn basa aıtty.
«Dúısenbi kúni bizge 10 qatysýshy elden 24 uzaqmerzimdi baıqaýshy kelip qosylady. Nur-Sultan qalasynda brıfıng ótkizgennen keıin olar búkil el aýmaǵyna bólinedi. Bul saılaý naýqanynda oryn alatyn jaıttyń barlyǵyn qamtý úshin jasalyp otyr jáne olar saılaý ótken kúnnen keıin de osynda qalady. Saılaý bıýronyń barlyq ádistemelerine saı ótedi dep úmittenemiz. Bul saılaýdyń BUU mindettemelerine, demokratııalyq saılaýlarmen baılanysty standarttarǵa, sonymen qatar Qazaqstannyń ulttyq zańnamasyna sáıkes keletindigine baqylaý jasaı alamyz dep oılaımyz», - dedi ıAroslav Domanskı.