Saılaý demokratııalyq standarttarǵa barynsha saı - Erlan Saıyrov
Bul pikirdi saıasattanýshy, QR Kásipodaqtar federatsııasy tóraǵasynyń orynbasary Erlan Saıyrov aıtty, dep habarlaıdy QazAqparat.
«Tańǵy 9 jarymda óz saılaý ýchaskeme baryp, daýys berdim. Meniń oıymsha, saılaýshylar óte belsendi, jastar da, zeınetkerler de daýys berip jatyr. Saılaýda daýys berýge bar jaǵdaı jasalǵan. Máselen, biz ózimizdi tizimnen tappaı, saılaý komıssııasy janyndaǵy arnaıy HQKO-ǵa bardyq. Olar tehnıkalyq aqaýdy jedel sheship, daýys berýimizge kómektesti. Sondaı-aq, biz saıası partııalar atynan kelgen baıqaýshylardy kórdik. Odan bólek, táýelsiz baıqaýshylar, halyqaralyq uıym baıqaýshylary bar. Jalpy saılaý protsesi óte jaqsy uıymdastyrylǵan. Bılik onyń ashyq ári ádil júrýi úshin bárin jasady. Kandıdattar úshin BAQ birdeı qoljetimdi boldy. Olar emin-erkin óńirlerdi aralady», - dedi ol.
Sarapshynyń aıtýynsha, kandıdattardyń óz pikirin erkin bildiretin negizgi alańy - áleýmettik jeliler boldy.
«Jalpy alǵanda, saılaý belsendi ári demorkratııalyq standarttarǵa barynsha saı ótip jatyr», - dedi Erlan Saıyrov.