Saılaý: Azamathan Ámirtaev óz tańdaýyn jasady
Azamathan Ámirtaev konstıtýtsııalyq quqyǵyn paıdalaný úshin elordanyń №92 mektep-lıtseıinde ornalasqan №52 ýchaskege keldi.
«Tańnan beri halyqtyń belsendiligi baıqalady. Bul jaqsy tendentsııa. Bul saılaý ádil ótetinine senimdimin. Bul jerde eń basty másele – halyqtyń senimi. Halyq kimge senim artsa, solar depýtat bolyp, memleket ıgiligne jumys isteıdi dep oılaımyn», - dedi Azamathan Ámirtaev.
Eske salaıyq, QR Konstıtýtsııasyna sáıkes, Parlament Májilisi aralas saılaý júıesi boıynsha Konstıtýtsııalyq zańda belgilengen tártippen saılanatyn 98 depýtattan turady. Biryńǵaı jalpyulttyq saılaý okrýgi aýmaǵy boıynsha, ıaǵnı partııalyq tizim boıynsha Májilistiń - 69 depýtaty, bir mandatty aýmaqtyq saılaý okrýgteri boıynsha 29 depýtat saılanady.
19 qańtarda Memleket basshysy Qasym-Jomart Toqaev jetinshi saılanǵan Parlament Májilisin taratý jáne 19 naýryz kúni Parlament Májilisi depýtattarynyń kezekten tys saılaýyn belgileý týraly Jarlyqqa qol qoıǵan edi. Bul kúni Májilispen qatar máslıhat depýtattaryn da kezekten tys saılaý usynyldy.