Saılaý-2023: Bas prokýratýra tynyshtyq kúnine qatysty málimdeme jasady
«Búgin saǵat 00:00-de saılaýaldy úgit jumystary kezeńi aıaqtalady. Erteń, 18 naýryzda jáne daýys berý kúni – 19 naýryzda kez kelgen úgit júrgizýge tyıym salynady («Qazaqstan Respýblıkasyndaǵy saılaý týraly» Konstıtýtsııalyq zańnyń 32-baby). Sonymen qatar 14 naýryzdanbastap BAQ-ta saýalnama nátıjelerin, saılaý nátıjeleriniń boljamdaryn, saılaýǵa, kandıdattardy qoldaýǵa daýys berýge baılanysty ózge zertteýlerdi jarııalaýǵa da jol berilmeıdi. ıAǵnı saýalnamany daýys berýge arnalǵan úı-jaıda nemese bekette júrgizýge bolmaıdy («Qazaqstan Respýblıkasyndaǵy saılaý týraly» Konstıtýtsııalyq zańnyń 28-babynyń 9-tarmaǵy)», - dedi Bas prokýrordyń orynbasary Jandos Ómirálıev Ortalyq saılaý komıssııasynyń otyrysynda.
Onyń aıtýynsha, Ortalyq saılaý komıssııasyn jazbasha túrde habardar etken zańdy tulǵalar ǵana saılaý ýchaskelerinen shyǵa beriste saýalnama júrgize alady.
«Atalǵan saýalnamalardyń nátıjelerin BAQ-da daýys berý kúninen keıin, ıaǵnı 2023 jylǵy 20 naýryz saǵat 00:00-den bastap jarııalaýǵa ruqsat etiledi. Konstıtýtsııalyq zańnyń osy talaptaryn oryndamaý Ákimshilik quqyq buzýshylyq týraly kodekstiń 102 jáne 120-baptarynda kózdelgen jaýapkershilikke ákep soǵady. Atalǵan zań talaptary Parlament Májilisi depýtattarymen qatar, barlyq deńgeıdegi máslıhattar depýtattarynyń kezekten tys saılaýyna da qatysty», - deıdi ol.