Saılaý-2022: Jıgýlı Daırabaev Qyzylorda oblysyna bardy

ASTANA. QazAqparat - Qazaqstan Respýblıkasynyń Prezıdenttigine kandıdat Jıgýlı Daırabaev Qyzylorda oblysyna keldi. Kandıdat Y. Jaqaev atyndaǵy Qazaq kúrish sharýashylyǵy ǵylymı-zertteý ınstıtýtynyń ǵalymdary jáne sala mamandarymen kezdesip, óńirdegi ózekti máselelerdi talqyǵa saldy, dep habarlaıdy QazAqparat «Aýyl» halyqtyq-demokratııalyq patrıottyq partıamysnyń baspasóz qyzmetine siltememen.

El yrysyna aınalǵan Syr kúrishi – óńir brendi sanalatyn ónim. Alaıda sońǵy jyldary Syrdarııa ózeniniń arnasy tartylyp, oblystyń ekologııalyq jáne áleýmettik-ekonomıkalyq jaǵdaıy kúrdelenip otyr. Sýdyń tapshylyǵy, ásirese kúrish sharýashylyǵyna keri áserin tıgizýde.

Jıgýlı Daırabaev ǵylym men óndiriste úndestik kerektigine basa nazar aýdardy. Ásirese, sýarmaly júıege negizdelgen óńir úshin qazirgideı sý tapshylyǵy jaǵdaıynda bul óte mańyzdy.

Kezdesýden keıin kandıdat Syrdarııa aýdanyna qarasty Naǵı Іlııasov aýylynyń tynys-tirshiligimen tanysty. Búginde bul aýyl bereke-birlik pen tynymsyz eńbektiń arqasynda aımaqtaǵy eń kórikti eldi mekenge aınalǵan. Aýyl turǵyndarymen kezdesken Jıgýlı Daırabaev óziniń saılaýaldy baǵdarlamasynyń negizgi baǵyttaryna toqtalyp, kópshiliktiń suraqtaryna jaýap berdi.

Aıta keteıik, buǵan deıin prezıdenttikke kandıdat Jıgýlı Daırabaev Túrkistan oblysynda fermerlermen kezdeskenin jazǵan edik.

Saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.