Saılaý-2022: Qaraqat Ábden Jezqazǵan jastarymen kezdesti
21:57, 06 Qarasha 2022
JEZQAZǴAN. QazAqparat – QR prezıdenttigine úmitker Qaraqat Ábden Jezqazǵan qalasynda bolyp, jergilikti saılaýshylarmen, jastar qaýymymen kezdesti. Bul týraly QazAqparat kandıdattyń shtabyna silteme jasap habarlaıdy.
Kezdesý barysynda orta tehnıkalyq jáne joǵary bilim, jataqhana máseleleri sııaqty jastardy tolǵandyryp júrgen suraqtar talqylandy. Jas urpaqtyń boıynda ulttyq namys pen patrıottyq sezimdi qalyptastyrý, qyzdardyń úılesimdi tárbıesine kóńil bólý jóninde de sóz qozǵaldy.
Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.