Saılaý-2022: Qaraqat Ábden Ekibastuzdaǵy perzenthanada kezdesý ótkizdi

EKІBASTUZ. QazAqparat – Prezıdenttikke kandıdat Qaraqat Ábden búgin Ekibastuz qalalyq aýrýhanasy janyndaǵy perzenthanada jas analarmen jáne medıtsına qyzmetkerlerimen kezdesti, dep habarlaıdy QazAqparat.

Ol óziniń saılaýaldy baǵdarlamasynyń negizgi baǵyttaryn tanystyryp, aq halatty abzal jandardyń usynys-pikirlerin tyńdady. Sondaı-aq, perzenthananyń bas dárigerimen birge jas analar men sábılerdiń jaǵdaıyn bilý úshin palatalardy aralady.

Úmitkerdiń Ekibastuz qalasyndaǵy senimdi ókili Anar Aıdarhanova málimdegendeı, qalada Q. Ábdenniń saılaýaldy shtaby turǵyndardy aqparattandyrý boıynsha jumys istep jatyr.

Eske salsaq, Qaraqat Ábden buǵan deıin Aqmola oblysy, Qaraǵandy jáne Astana qalalarynyń turǵyndarymen júzdesken edi. Aldaǵy ýaqytta onyń Pavlodar, Abaı jáne Almaty oblysynyń saılaýshylarymen kezdesý ótkizýi josparlanǵan.

Foto: richscatering.com