Saılaý-2022: Qaraqat Ábden daýys berdi

ASTANA. QazAqparat – QR prezıdentin kezekten tys saılaýda úmitker Qaraqat Ábden daýys berdi, dep habarlaıdy QazAqparat tilshisi.

Q. Ábden elordadaǵy 38-shi kóshe boıyndaǵy №135 saılaý ýchaskesine baryp, óz tańdaýyn jasady.

Aıta keteıik, QR Prezıdentiniń kezekten tys saılaýynda úmitker saılaý ýchaskesine saǵat 8:20-da keldi. Kandıdattyń janynda ákesi jáne anasy birge boldy.

Eske salsaq, 7 qazanda «Kásibı áleýmettik jumyskerler ulttyq alıansy» respýblıkalyq qoǵamdyq birlestigi kezekten tys prezıdent saılaýyna Qaraqat Jaqsylyqqyzy Ábdenniń kandıdatýrasyn usynǵan bolatyn.

Qaraqat Ábden saılaýaldy shtabymen birge Almaty, Qyzylorda, Aqtóbe, Pavlodar, Jambyl, Túrkistan oblystarynda, Shymkent, Almaty jáne Astana qalalarynda is-sharalar ótkizdi.