Saılaý-2021: Almaty oblysynda soǵys ardageri Gavrıl Moıseev saılaýda daýys berdi
Gavrıl Moıseev - Aqsý aýdanyndaǵy jalǵyz Ekinshi dúnıejúzilik soǵys ardageri. Ǵasyrǵa jýyq ǵumyr keshken qarııa el úshin mańyzdy isten shet qalmady. Qapal aýylynyń turǵynynyń úıine arnaıy qurylǵan komıssııa músheleri bardy. Gavrıl Stepanovıch turǵylyqty mekenjaıy boıynsha úıinen daýys berdi.
«Saılaý bul el úshin asa mańyzdy shara. Jasy men jasamysy mundaı jaýapty sátte qalys qalmaýy kerek. Ásirese jastar memleketke qatysty saıası naýqanda qol qýsyryp qarap otyrmaýy tıis. Eldiń gúldenýi halyqqa baılanysty. Eger respýblıkanyń turǵyndary tym belsendi bolsa barlyǵy oń sheshimin tabady», - dedi UOS ardageri Gavrıl Moıseev.
Aıta keteıik, Aýdandyq saılaý komıssııasyna úıden daýys berýge 86 ótinish kelip túsken. Jalpy alǵanda osy ýaqytqa deıin aýdan kóleminde Qazaqstan Respýblıkasy Parlament Májilisi jáne máslıhaty depýtattaryn saılaýǵa 24609 adam daýys berip úlgerdi. Esterińizge salamyz Aqsý aýdanynda 43 saılaý ýchaskesi jumysyn jalǵastyrýda.
Jalpy Almaty oblysy boıynsha daýys berýshilerdiń sany 1 mln 400 myńnan asady. Olar úshin 1058 saılaý ýchaskesi jumys istep tur.
Saǵat 16.00-de Almaty oblysy boıynsha saılaýshylardyń kelýi 58% - dy qurady.