Saılaý-2019: Mańǵystaýlyq 3 myńnan astam munaıshy daýys berdi

AQTAÝ. QazAqparat - Qazaqstanda ótip jatqan QR Prezıdentiniń kezekten tys saılaýynda Mańǵystaý oblysyndaǵy iri munaı kompanııalarynyń birinde aýysymmen jumys isteıtin 3 myńnan astam munaıshy daýys berdi, dep xabarlaıdy QazAqparat tilshisi.

Ken ornyndaǵylarǵa 2 saılaý ýchaskesi tańǵy 7-den jumys isteı bastady. Munda saılaýshylarǵa daýys berý úshin barlyq jaǵdaı jasalǵan. Sondaı-aq, daýys berýdi úılestirip otyrǵan arnaıy shtab ta óz jumysyn júzege asyrdy. Saılaý komıssııasyndaǵylar, búgingi saıası naýqanǵa munaıshylardyń belsendi qatysyp jatqandyǵyn aıtty.

Saılaýǵa óz úlesterin qosyp, óz tańdaýlaryn jasaǵan munaıshylar eldiń bolashaǵy nurly bolatynyna kámil senedi.

«2019 jylǵy QR Prezıdentiniń kezekten tys saılaýy joǵary deńgeıde uıymdastyrylǵan. Qyzmetkerler óz erkimen daýys berip jatyr. Bıyl men jeke basym saılaýǵa 1-shi ret qatysýdamyn. Tek elimiz aman bolyp, memleketimizdiń aldaǵy ýaqytta kórkeıýine tilektespin»,-deıdi munaıshy Muhamed Dúzelbaev.