Saılaý-2019: Qazaqstan halqynyń forýmy ótedi
«2019 jyldyń 11 mamyrynda Qazaqstan Respýblıkasy Prezıdent saılaýyna úgit-nasıhat jumystary bastaldy. Keleshekke degen jaýapkershiligimizdi eskere otyryp, QR Tuńǵysh Prezıdenti - Elbasy Nursultan Nazarbaevtyń elimizdi jan-jaqty damytýǵa arnalǵan strategııalyq baǵytyn jalǵastyrý qajet dep esepteımiz. Elbasynyń jetekshiligimen Qazaqstan ekonomıkalyq, áleýmettik damýda eleýli tabystarǵa qol jetkizdi, halyqaralyq qaýymdastyqta bedeldi memleketke aınaldy. Jańa kandıdattyń «Igilik barshaǵa! Sabaqtastyq. Ádildik. Órleý» saıası platformasyn qoldap, konstıtýtsııalyq normalar men «Qazaqstan Respýblıkasyndaǵy saılaý týraly» zańǵa súıene otyryp, «Bizdiń tańdaýymyz - birlik pen kelisim» etnomádenı birlestikterdiń jalpyrespýblıkalyq elektoraldy naýqanyn bastaımyz», - delingen elordada respýblıkalyq jáne óńirlik etnomádenı birlestikter otyrysyndaǵy málimdemede.
Naýqan aıasynda Qazaqstan halqynyń forýmy ótedi, oǵan elimizdegi etnomádenı birlestik ókilderi qatysady.
«Naýqanymyzdyń basty sharasy - «Bizdiń tańdaýymyz - birlik pen kelisim» atty Qazaqstan halqynyń forýmy bolmaq. Atalǵan forým elimizdiń barlyq oblys ortalyqtarynda úgit-nasıhat kezeńi aıaqtalǵansha ótkiziledi», - dedi Nur-Sultan qalasyndaǵy «Ahyska» túrik etnomádenı ortalyǵynyń jetekshisi Ásker Pırıev.
Aıta keteıik, Nur-Sultan qalasynda 20-dan astam etnomádenı birlestikter jumys isteıdi.
QR Prezıdentiniń saılaýy 2019 jyldyń 9 maýsymynda ótedi. Saılaýǵa 7 kandıdat tirkeldi. Olardyń ishinde «Nur Otan» partııasynan -Qasym-Jomart Toqaev, «Aýyl» halyqtyq-demokratııalyq patrıottyq partııasynan - Tóleýtaı Rahymbekov, Qazaqstannyń kommýnıster partııasynan Jambyl Ahmetbekov, «Ult taǵdyry» ulttyq-patrıottyq qozǵalysynan Ámirjan Qosanov, «Uly dala qyrandary» respýblıkalyq qozǵalysynan Sádi-Bek Túgel, Qazaqstan Respýblıkasynyń kásipodaqtar federatsııasynan Amangeldi Taspıhov jáne «Aq jol» Qazaqstannyń demokratııalyq partııasynan Danııa Espaeva bar.