Saılaý-2019: Bir adam birneshe kandıdatty qarjylandyra ala ma

NUR-SULTAN. QazAqparat - Qazaqstan zańgerler odaǵy saılaý kezinde úgit-nasıhat jumystaryn jarǵylyq kapıtalynda sheteldik qatysýy bar qazaqstandyq zańdy tulǵalar qarjylandyra almaıtynyn aıtty, dep habarlaıdy QazAqparat tilshisi.

Odaq tóraǵasy Serik Aqylbaıdyń aıtýynsha, «Zańgerler - ádil saılaý úshin» respýblıkalyq qoǵamdyq birlestiginiń shtabyna halyqtan saılaý naýqanyn qarjylandyrý boıynsha san túrli suraqtar túsken. Sonyń ishinde «Kandıdattyń úgit jumystaryn kimder qarjylandyra alady?» degen saýal jıi qoıylǵan.

«Zańnama jeke jáne zańdy tulǵalardyń saılaý naýqanyna erikti túrde qaıyrymdylyq jasaýyna jol beredi. Bul rette memlekettik organdar men uıymdarǵa, jergilikti ózin-ózi basqarý organdaryna, qaıyrymdylyq uıymdary men dinı birlestikterge, jarǵylyq kapıtalynda sheteldik qatysýy bar zańdy tulǵalarǵa qaıyrymdylyq jasaýǵa tyıym salynady», - dedi zańger.

Ol sondaı-aq, jeke jáne zańdy tulǵalardyń saılaý naýqanyn jasyryn túrde qarjylandyrýy zańsyz ekenin aıtty.

«Bir azamattyń birden birneshe kandıdattyń úgitin qarjylandyrýyna tyıym salynbaıdy. Ony azamattar óz betinshe retteıdi», - deıdi Serik Aqylbaı.