Saılaý-2019: Ámirjan Qosanov saılaýaldy tuǵyrnamasyn jarııa etti

NUR-SULTAN. QazAqparat - QR Prezıdenttigine kandıdat Ámirjan Qosanov óziniń saılaýaldy tuǵyrnamasyn jarııa etti, dep habarlaıdy QazAqparat.

Ámirjan Qosanovtyń saılaýaldy tuǵyrnamasy: «Saıası bostandyqtar», «Ulttyq bolmys», «Sóz júzindegi emes, is júzindegi táýelsizdik», «Jemqorlyqqa jol joq», «Órkenıetti ári halyqshyl ekonomıka», «Baqýatty aımaqtar - baqýatty memleket» atty 6 bólimnen turady.

Onda kandıdattyń saılaýda jeńiske jetken jaǵdaıda, memleket ómirinde qandaı ózgerister bolyp, elimizdiń qaı baǵytpen damıtyny týraly josparlary qamtylǵan.

Aıta keteıik, QR kezekten tys Prezıdent saılaýy 2019 jyldyń 9 maýsymyna taǵaıyndalǵan.

Keshe keshki saǵat 18:00-den keıin Qazaqstanda saılaý aldyndaǵy úgit-nasıhat sharalary bastaldy.