Saılaý: 16 naýryzda ótetin teledebatta saılaýshylar tikeleı efırde suraq qoıady
Bul týarly Ortalyq saılaý komıssııasynyń kezekti otyrysynda málim boldy.
«Habar» telearnasy saıası partııalardyń saılaý aldyndaǵy pikirsaıysyn ótkizý reglamentin ázirledi. Reglamentke sáıkes, saıası partııalardyń saılaý aldyndaǵy pikirsaıystary 3 raýndta ótkiziledi. Birinshi raýnd 2 týrdan turady. Birinshi týr – partııanyń tanystyrylymy. Onda ár qatysýshy óz partııasyn tanystyrý úshin sóz sóıleıdi. Ár qatysýshynyń sóz sóıleýine 2 mınýt beriledi. Ekinshi týr – pikirsaıys sessııasy. Munda qatysýshylar qarsylastaryna bir suraq qoıady jáne bir suraqqa jaýap beredi. Suraq tujyrymyna bir mınýt beriledi. Ár qatysýshynyń jaýabyna 2 mınýt beriledi», - dedi OSK múshesi Anastasııa Şegortsova.
Ekinshi raýnd ta eki týrdan turady.
«Birinshi týr – «Eldiń áleýmettik-ekonomıkalyq damýy» taqyrybynda óziniń saılaý aldyndaǵy baǵdarlamasy týraly aıtý múmkindigimen sóz sóıleý. Ekinshi týr – saılaýshylardan suraq. Ár qatysýshy kórermenderdiń bir suraǵyna jaýap beredi. Jaýap berý ýaqyty – 2 mınýtqa deıin.
Úshinshi raýnd – saılaýshylarǵa arnalǵan sóz. Sońǵy raýndta qatysýshylar saılaýshylarǵa tikeleı júginedi. Ár qatysýshyǵa 2 mınýt beriledi. Osylaısha pikirsaıysqa qatysýshylar ózderiniń saılaý baǵdarlamasymen sóz sóıleýge, qarsylastaryna suraq qoıýǵa, saılaýshylardyń suraqtaryna jaýap berýge, sondaı-aq saılaýshylarǵa úndeý jasaýǵa múmkindik alady». – dedi ol.
Sondaı-aq, OSK atalmysh televızııalyq pikirsaıysqa qatysýshylardyń tizimin maquldady.