Saılanǵan Senat depýtattarynyń esimderi 2014 jylǵy 7 qazanda belgili bolady - Q. Turǵanqulov
Esterińizge sala keteıik, 2014 jylǵy 31 shildede «2014 jylǵy 1 qazanǵa Qazaqstan Respýblıkasy Parlamenti Senaty depýtattarynyń kezekti saılaýyn taǵaıyndaý týraly» Qazaqstan Respýblıkasy Prezıdentiniń Jarlyǵy jarııalanǵan bolatyn.
Brıfıngte Q. Turǵanqulov: «2008 jylǵy 4 qazanda saılanǵan senatorlar ókilettiginiń konstıtýtsııalyq merzimi aǵymdaǵy jylǵy 9 jeltoqsanda aıaqtalady. Osylaısha, 1 qazanda respýblıkanyń 16 óńirinde elimizdiń joǵarǵy zań shyǵarýshy organynyń joǵarǵy palatasyna bir depýtattan saılaýymyz kerek» - dep atap ótti.
Senat depýtattaryn saılaý janama saılaý quqyǵy negizinde jasyryn daýys berý arqyly júzege asady.
Janama saılaý quqyǵy - Parlament Senaty depýtattarynyń saılaýynda daýys berýge tek qana tańdaýshylar - máslıhattar depýtattary ǵana qatysady degendi bildiredi.
Osylaısha, óz kezeginde azamattar tikeleı saılaýda saılaǵan máslıhattar depýtattary senatorlardy saılaıdy, al olar Parlamentte óńir jurtshylyǵynyń múddelerin bildiredi.
Ortsaılaýkom basshysy atap ótkendeı, Parlament palatalarynyń birin qalyptastyrýdyń osyndaı úlgisi álemdik tájirıbede jıi kezdesedi.
Mysaly, bizdiń elimizdegi sııaqty ekipalataly parlamenti bar 77 memlekettiń 21-inde joǵarǵy palatalar jalpyǵa birdeı saılaý arqyly quralady, 12 elde - janama saılaý arqyly, 18 elde taǵaıyndaý arqyly, 26 elde joǵaryda kórsetilgen úsh nysannan úılestirý jolymen quralady.
Qazaqstandyq Parlamenttiń joǵarǵy palatasy depýtattarynyń ókilettik merzimi alty jyldy quraıdy. Ár úsh jyl saıyn Senat depýtattarynyń jartysy qaıta saılanady.
Kandıdattardy usyný máslıhattar sessııalarynda, sondaı-aq ózin-ózi usyný tártibimen júzege asyrylady. Sondaı-aq saıası partııalar men qoǵamdyq birlestikterdiń ózderiniń máslıhattardaǵy ókilderi arqyly óz kandıdattaryn usyna alý múmkindigi bar.
Konstıtýtsııaǵa jáne zańnamaǵa sáıkes jasy 30-ǵa tolǵan, joǵary bilimi bar jáne jumys ótili bes jyldan kem emes, sondaı-aq sońǵy on jyl boıy elimizdiń aýmaǵynda jáne sońǵy úsh jyl boıy ózi daýysqa túsetin óńir aýmaǵynda turaqty túrde turatyn Qazaqstan azamaty Parlament Senatynyń depýtaty bola alady.
Parlament Senatynyń depýtattyǵyna kandıdat retinde tirkelý úshin úmitker tıisti aýmaqtyq máslıhattar depýtattarynyń keminde on paıyzynyń qoldaýyna ıe bolýy tıis. Ol úshin tıisti qoldar sanyn jınaý qajet.
Senat depýtattyǵyna kandıdat tirkeýge deıin jáne onyń Konstıtýtsııa men Saılaý týraly zańda kórsetilgen talaptarǵa sáıkestigi tekserilgennen keıin, sondaı-aq ony qoldaýǵa jınalǵan qoldar tekserilgennen keıin saılaý jarnasyn engizedi. Bıylǵy jyly jarna 299 myń 490 teńgeni quraıdy.
Sonymen qatar, kandıdat jáne onyń zaıyby tirkeýge deıin turǵylyqty jeri boıynsha salyq organdaryna tabysy men múlki týraly deklaratsııa tapsyrýǵa mindetti.
Saılaý zańnamasyna sáıkes Senat depýtattarynyń saılaýy balama negizde ótedi. ıAǵnı, daýys berýge arnalǵan bıýlletenderge eki kandıdattan kem engizilmeýi qajet.
«2014 jylǵy 1 qazanǵa Qazaqstan Respýblıkasy Parlamenti Senaty depýtattarynyń kezekti saılaýyn taǵaıyndaý týraly» Qazaqstan Respýblıkasy Prezıdentiniń Jarlyǵynyń erejelerin iske asyrý maqsatynda Ortalyq saılaý komıssııasy osy saılaýdy ázirleý men ótkizý jónindegi negizgi is-sharalardyń Kúntizbelik josparyn bekitti.
Atalǵan josparǵa sáıkes kandıdattardy usyný aǵymdaǵy jylǵy 31 tamyzǵa deıin júredi. Tirkeý 2014 jylǵy 11 qyrkúıekke deıin, al saılaý aldyndaǵy úgit 12 qyrkúıekte bastalyp, 29 qyrkúıektiń 24.00 saǵatqa deıin júrgiziledi.
Daýys berýdi, daýystardy sanaýdy jáne qorytyndylardy jarııalaýdy oblystyq, Astana jáne Almaty qalalyq saılaý komıssııalary bir kún ishinde - 1 qazanda júrgizedi.
Saılaýdyń sońǵy qorytyndylaryn Ortsaılaýkom 2014 jylǵy 7 qazannan keshiktirmeı anyqtaýy qajet.
Qazaqstan Respýblıkasy Parlamenti Senaty depýtattarynyń saılaýyn ótkizýge respýblıkalyq bıýdjetten barlyǵy 136 mıllıon teńge bólindi.
Parlament Senatynyń depýtattyǵyna kandıdattyń árqaısysyna saılaý aldyndaǵy úgitti júrgizýge, sondaı-aq kóliktik shyǵyndarǵa respýblıkalyq bıýdjetten qarajat bólinedi.
Sonymen qatar, kandıdattardyń árqaısysy jalpy qarajat mólsheri 13 mln. 976 myń 200 teńgeden aspaıtyn saılaý qoryn qura alady.
Syrtqy ister mınıstrligi Ortsaılaýkommen birlesip halyqaralyq baıqaý ınstıtýtyn ashady.
Saılaý zańnamasyna sáıkes Ortsaılaýkom Parlament Senaty depýtattarynyń saılaýyn uıymdastyrýǵa jáne ótkizýge jalpy basshylyq etedi. Saılaýdy ótkizýdi oblystyq, Astana jáne Almaty qalalyq aýmaqtyq saılaý komıssııalary tikeleı qamtamasyz etedi. Sondyqtan uıymdastyrýshylyq, aqparattyq jáne úgittik jumys óńirlerde ótkiziletin bolady.
Kandıdattarǵa saılaý aldyndaǵy úgitti júrgizýge respýblıkalyq bıýdjetten bólingen qarajatty saılaý komıssııalary kandıdattardyń úgittik materıaldaryn tek jergilikti óńirlik mass-medıada jarııalaýyn qarjylandyrýǵa jiberetin bolady.
Baspasóz-konferentsııasy barysynda Ortsaılaýkom basshysy tıisti saılaý organdary qajetti uıymdastyrýshylyq, tehnıkalyq jáne qarjylyq resýrstarmen qamtamasyz etildi dep atap ótti.
Jurtshylyqty neǵurlym tolyq aqparattandyrý maqsatynda Ortsaılaýkomnyń tapsyrysy boıynsha aldaǵy saılaýǵa arnalǵan aqparattyq beıne- jáne dybysrolıkter ázirlendi, olar negizgi respýblıkalyq jáne óńirlik teledıdar jáne radıoarnalarynyń taratý kestesinde 1 tamyzdan bastap ornalastyrylady.
Sonymen qatar barlyq oblys ortalyqtarynda, Astana jáne Almaty qalalarynda aqparattyq bılbordtar ornalastyrylady.
Sondaı-aq Q.Turǵanqulov saılaýdy ázirleý men ótkizý kezeńinde turaqty jumys jasaıtyn Ortsaılaýkom baspasóz-ortalyǵynyń ashylýy týraly habardar etti.
«Aldaǵy saılaý naýqanynyń mańyzdylyǵyn eskere otyryp, Ortsaılaýkom barlyq saılaý protsesine qatysýshylardyń saılaý zańnamasynyń normalaryn saqtaýyna erekshe kóńil bólip, Parlament Senaty depýtattarynyń saılaýyn Memleket basshysynyń Jarlyǵyna tolyq sáıkes uıymdastyrýdy jáne ótkizýdi qamtamasyz etedi» - dedi Ortsaılaýkom Tóraǵasy baspasóz máslıhatynyń sońynda.