Saıası juldyznama: Ákimder korpýsy jaıly mamandar ne deıdi
Ákim oryntaǵynda minezi, temperamenti jáne basshylyq jasaýdaǵy stıli ártúrli 20 tulǵa otyr. Olardyń ishinde 2 toqty, 5 torpaq, 1 egizder, 1 shaıan, 2 arystan, 4 bıkesh, 1 tarazy, 1 saryshaıan, 2 mergen jáne 1 balyq.
«Bir qyzyǵy, oblystar men úsh megapolıstiń ákimderi arasynda birde-bir taýeshki men sýquıǵysh joq. Aıta keterligi, biz taýeshki dáýirinen sýquıǵysh dáýirine kóshýdiń qyzyqty kezeńinde ómir súrip jatyrmyz. Demek, bul belgilerdiń ókilderi bılikte kóbirek bolady», - deıdi kásibı astrolog Irına Ábdraıymova.
Eger sýquıǵyshtar dástúrli qorǵaýshy ári zańdy saqtaýshy bolsa, al sýquıǵyshtar – olar tóńiregindegilerge shyǵarmashylyq erkindik pen táýelsizdik ıdeıalar rýhyn ákeletin jańashyl ári generator. Sýquıǵyshtar dáýirinde basqarý stıli ózgeredi. Endigi ýaqytta adamdardy qamshylap otyryp jumys isteýge májbúrleý múmkin emes. Olardy shabyttandyrýǵa, yntalanyrýǵa jáne kelisimge barýǵa týra keledi.
Sonymen óńir ákimderiniń juldyznama belgileri mynadaı:
Astana qalasynyń ákimi Jeńis Qasymbek 1975 jyly 7 mamyrda dúnıege kelgen. Juldyznama belgisi – torpaq.
Almaty qalasynyń ákimi Erbolat Dosaev 1970 jyly 21 mamyrda dúnıege kelgen. Juldyznama belgisi – torpaq.
Shymkent qalasynyń ákimi Murat Áıtenov 1981 jyly 30 qazanda dúnıege kelgen. Juldyznama belgisi – saryshaıan.
Aqmola oblysynyń ákimi Ermek Myrjyqbaev 1969 jyly 29 tamyzda dúnıege kelgen. Juldyznama belgisi – bıkesh.
Aqtóbe oblysynyń ákimi Eraly Toǵjanov 1963 jyly 13 mamyrda dúnıege kelgen. Juldyznama belgisi – torpaq.
Almaty oblysynyń ákimi Marat Sultanǵazıev 1976 jyly 24 aqpanda dúnıege kelgen. Juldyznama belgisi – balyq.
Atyraý oblysynyń ákimi Serik Shapkenov 1979 jyly 29 shildede dúnıege kelgen. Juldyznama belgisi – arystan.
Batys Qazaqstan oblysynyń ákimi Narıman Tóreǵalıev 1964 jyly 19 shildede dúnıege kelgen. Juldyznama belgisi – shaıan.
Jambyl oblysynyń ákimi Nurjan Nurjigitov 1967 jyly 31 naýryzda dúnıege kelgen. Juldyznama belgisi – toqty.
Qaraǵandy oblysynyń ákimi Ermaǵanbet Bólekbaev 1975 jyly 2 qyrkúıekte dúnıege kelgen. Juldyznama belgisi – bıkesh.
Qostanaı oblysynyń ákimi Qumar Aqsaqalov 1965 jyly 24 tamyzda dúnıege kelgen Juldyznama belgisi – bıkesh.
Qyzylorda oblysynyń ákimi Nurlybek Nálibaev 1976 jyly 13 qazanda dúnıege kelgen. Juldyznama belgisi – tarazy.
Mańǵystaý oblysynyń ákimi Nurlan Noǵaev 1967 jyly 30 shildede dúnıege kelgen. Juldyznama belgisi – arystan.
Pavlodar oblysynyń ákimi Asaıyn Baıhanov 1978 jyly 6 jeltoqsanda dúnıege kelgen. Juldyznama belgisi – mergen.
Soltústik Qazaqstan oblysynyń ákimi Aıdarbek Saparov 1966 jyly 12 maýsymda dúnıege kelgen. Juldyznama belgisi – egizder.
Shyǵys Qazaqstan oblysynyń ákimi Ermek Kósherbaev 1965 jyly 2 mamyrda dúnıege kelgen. Juldyznama belgisi – torpaq.
Túrkistan oblysynyń ákimi Darhan Satybaldy 1974 jyly 26 naýryzda dúnıege kelgen. Juldyznama belgisi – toqty.
Abaı oblysynyń ákimi Nurlan Uranhaev 1965 jyly 4 mamyrda dúnıege kelgen. Juldyznama belgisi – torpaq.
Jetisý oblysynyń ákimi Beıbit Isabaev 1962 jyly 4 jeltoqsanda dúnıege kelgen. Juldyznama belgisi – mergen.
Ulytaý oblysynyń ákimi Berik Ábdiǵalıuly 1971 jyly 18 qyrkúıekte dúnıege kelgen. Juldyznama belgisi – bıkesh.
Torpaq pen saryshaıan aqsha belgileri bolyp sanalady. Eger torpaq qarajatyn shashaý shyǵarmaı jınap, depozıtterge kóbeıtse, al saryshaıan ózgelerdiń qomaqty qarajatyn aınalymǵa, ınvestıtsııalap, táýekelge barýdan da tartynbaıdy. Bir qyzyǵy, úsh megapolıstiń de ákimderi dál osy juldyznama belgileriniń ókilderi.
«Ákimder belgili bir aýmaqty basqarady. Soǵan oraı olar – sharýaqor. Bul sıpattamaǵa toqty sáıkes keledi. Shyndyǵynda, osy belgimen dúnıege kelgender baqylaýdy jáne tekserýdi unatpaıdy. Eń durysy, qala basshysy mártebesi torpaq, bıkesh jáne saryshaıanǵa óte qolaıly. Ákimder eńbekqor, tabandy, shydamdy bolýy tıis. Torpaq, bıkesh, taýeshki jáne sýquıǵysh osyndaı qasıetterge ıe. Olar maqsatty kóre biledi jáne kedergilerdi baıqamaıdy. Eń shydamdy jáne tózimdiler – taýeshki, torpaq, bıkesh jáne saryshaıan. Eger olarǵa mansap jolynda ósýine ýáde berilse, olar shetke shyǵyp, ózderiniń juldyzdy saǵattaryn únsiz kútedi. Olar asyqpaıdy, ashýlanbaıdy. Óz maqsattaryn kórip, oǵan qaraı shydamdylyqpen ilgerileıdi. Bul naǵyz basqarýshyny sıpattaıdy», - dedi Irına Ábdiraıymova.
Degenmen toqtylar ózderiniń qyzba mineziniń kesirinen synı jaǵdaılarda kóńil kúıin basqara almaı qalyp, «shoq» basýy múmkin. Al torpaq kerisinshe tótenshe problemalardyń óziniń sabyrly reaktsııasy arqyly ońaı eńseredi. Torpaqtardyń yrǵaǵy men qarqyny bar, al problemany sheshýdi jıi keıinge ysyrady. Ózderin jaıly ortadan shyǵarmaıtyn dúnıelermen ǵana aınalysady. Bıkeshter usaq-túıekke de erekshe nazar aýdarady. Biraq problemanyń aýqymdylyǵyn ne bolmasa júıeliligin eskermesten usaq-túıekpen aınalysýǵa tym beıim. Olar óziniń sharýashylyǵyn tártipke keltirýge qabiletti. Alaıda úlken jobalarda strategııalyq menedjment qolynan kelmeıdi.
Bıkeshterde uzaqmerzimdi tıimdi jospar túzýde qıyndyqtar týyndaıdy. Saryshaıan – qarama-qaıshylyqqa toly ári juldyznamalardyń ózge belgileri arasynda jyndylyǵymen erekshelenetin belgi. Onyń jan-dúnıesinde ne bolyp jatqanyn eshim bilmeıdi. Óziniń josparlary men nıetin muqııat jasyrady ári emotsııa jınaıdy. Sondyqtan da qyzmetkerlerge «oq-dári bóshkesindegideı» jaǵdaıǵa kónýine týra keledi. Al taýeshki óziniń qurbanyn jyldar boıy kútýge qabiletti. Abyroı bolǵanda, 20 ákimniń ishinde ondaı basqarýshy joq.
Egizder kertartpa jumysty jany qalamaıdy. Sondyqtan kúndelikti jınalystar men esep berýlerdi unatpaıdy. Al áńgimelesýge jáne baılanys ornatýǵa degen qabileti odan óte jaqsy deldal, kelissózshi jáne saýdager shyǵady. Biraq egizder ózgeniń qupııasyn saqtaı almaıdy.
Al tarazylar týa bitken dıplomattar ári strategter. Olar tartymdy ári ózgeniń kóńil kúıin dóp basatyn qasıetke ıe. Degenmen mańyzdy sheshim qabyldaý kezinde jıi qubylady.
Juldyznama belgileriniń ishinde shaıan óziniń otansúıgishtigimen erekshelenedi. Bul belgini Aı basqaryp, adamdy týǵan jerimen baılanystarady. Mundaı adamdar kóship-qonǵandy jáne uzaqqa sozylatyn issaparlardy unatpaıdy. Qyzmettik mansabyn týǵan jerinde qurǵysy keledi. Olar kóbine tuıyq bolyp keledi, kópshiliktiń aldynda sóz sóıleýden tartynady.
«Shaıan – óte emotsınaldy ári sezimtal juldyznama belgisi. Eger oǵan dórekilik tanytsa, ótinishin jazyp, jumystan shyǵyp kete beredi. Adamdardy basqarý úshin túrli jaǵdaılarda shydamdy bolý qajet. Sondyqtan da shaıandardan jaqsy ákim shyǵa qoıýy neǵaıbil», - dedi astrolog.
Astrologtyń atap ótýinshe, elimizdiń basshylyq quramy arasynda juldyznama sheńberin tuıyqtaıtyn sýquıǵyshtar pen balyqtar óte az. Olar erkindikti jaqsy kórýimen, álemge basqasha qaraýymen erekshelenedi. Sondyqtan da olar bılikke umtylmaıdy. Balyqtar beıbitshilik, birlik, qaıyrymdylyq, biryńǵaı din ornaǵan kezde ǵana eldiń nemese qalanyń tizginin ustaýy múmkin.
«Saıasatkerlerdiń arasynda joǵary bıliktegi arystandar óte az. Saıası oıyn – úlken dıplomatııa, jaǵyna bilý kerek. Al arystandar – tazalyqty jaqsy kóredi. Olarǵa ózderiniń atyna aıtylǵan madaq odalary unaıdy. Dál osy qasıetteri olardy jıi jarǵa jyǵyp jatady. Sondyqtan da olar belgili bir satyǵa jetkennen keıin ary qaraı barlyǵyna degen qyzyǵýshylyǵyn joǵaltady», - dedi Irına Ábdiraıymova.