Saıası separatızm men ekstremızmniń aldyn alý: Depýtattar zań qabyldady
«Onlaın-platformalar jáne onlaın-jarnama týraly», «Qazaqstan Respýblıkasynyń keıbir zańnamalyq aktilerine onlaın-platformalar jáne onlaın-jarnama máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» zań jobalary 2023 jylǵy 7 maýsymda Májilistiń jalpy otyrysynda birinshi oqylymda maquldanǵan bolatyn.
Zań jobasynyń basty maqsaty – onlaın-platforma jáne onlaın-jarnama máselelerin quqyqtyq retteý», – dedi zań jobasy týraly baıandaǵan Májilis depýtaty Erlan Saırov.
Onyń atap ótýinshe, zań jobasy onlaın-platformalardyń jumysyn Qazaqstan Respýblıkasynyń zań aıasynda júıelendirip, áleýmettik jeli qoldanýshylaryn elimizdiń áleýmettik-ekonomıkalyq aınalymyna engize otyryp, osy salany memlekettik retteýdiń negizderin qalyptastyrady.
«Zańnyń mindeti – áleýmettik jelide bolyp jatatyn býllıng, azamattardy qorlaý tárizdi keleńsiz faktilerden, qarjy pıramıdalarynan Qazaqstannyń azamattaryn qorǵaı otyryp, elimizde saıası separatızm men ekstremızmniń aldyn alý. Atalǵan zań jobasynyń basty novellalary onlaın platformalardy retteýdiń halyqaralyq standarttaryna sáıkes keledi. Zańdy qabyldaý jumys tobyna Májilis depýtattarymen qatar múddeli memlekettik organdardyń, úkimettik emes uıymdardyń, sarapshylar qaýymdastyǵy ókilderi, áleýmettik jelini qoldanýshylar kirdi», - dedi depýtat.
Májilis depýtattary zań jobasyn qabyldap, ony Senat qaraýyna jiberdi.