Saıası reformany talqylaý kezinde senatorlardan eshkim nazardan tys qalǵan joq - depýtat

ASTANA. QazAqparat - Senat depýtaty Talǵatbek Abaıdildın atap ótkendeı, joǵarǵy palata komıteti qoǵam aldyndaǵy saıası jáne adamgershilik jaýapkershilikti sezinedi, sondyqtan konstıtýtsııalyq reformany talqylaǵan kezde eshkim nazardan tys qalǵan joq, dep habarlady «QazAqparat» HAA.

Abaıdildınniń aqparatyna sáıkes Senattyń ekonomıkalyq saıasat, ınnovatsııalyq damý jáne kásipkerdik komıteti Konstıtýtsııaǵa ózgerister men tolyqtyrýlar týraly usynysty egjeı-tegjeıli qarady.

«Jumada birlesken otyrysta depýtat Asqar Beısenbaev bizdiń komıtettiń atynan usynystar aıtty. Konstıtýtsııada, bizdiń kózqarasymyz boıynsha, memlekettigimizdiń qalyptasýyndaǵy Prezıdenttiń qyzmetin atap ótý qajet. Adam quqyqtary boıynsha ýákiletti tulǵany bes jyl merzimge saılaý týraly bastamany mańyzdy dep sanaımyz. Sondaı-aq Prezıdent ornyna úmitkerlerge qatysty joǵary bilim týraly talap engizýdi qoldaımyz», - dep habarlady depýtat.

Onyń aıtýynsha, Senat komıtetteri qoǵam aldyndaǵy joǵary saıası jáne adamgershilik jaýapkershilikti sezinedi, sondyqtan konstıtýtsııalyq reformany talqylaǵan kezde eshkim nazardan tys qalǵan joq.

«Bizdiń pikirimizshe, birlesken otyrystaǵy aıtylǵan barlyq usynystar jan-jaqty oılastyrylǵan. Halyq bul usynysty qoldaıdy dep oılaımyn», - dedi Abaıdildın.