Saıası reformalardyń úshinshi paketi partııalardyń belsendiligin arttyrady – Erlan Saırov
Belgili saıasattanýshy, Parlament Májilisiniń depýtaty Erlan Saırov saıası zańnamadaǵy ózgeristerge osyndaı baǵa berdi, dep habarlaıdy QazAqparat tilshisi.
«Bıyl 15 qańtarda Prezıdent Qasym-Jomart Toqaev saıası reformalardyń úshinshi paketin júzege asyrý týraly bastama kóterdi. Osy reformalar sheńberinde «Qazaqstan Respýblıkasyndaǵy saılaý týraly» konstıtýtsııalyq zańǵa ótý shegin 7-den 5 paraǵyna «bárine qarsymyn» degen baǵandy engizýge qatysty ózgerister engiziledi. Tájirıbe kórsetip otyrǵandaı, kedergini 7-den 5 paıyzǵa deıin tómendetý, birinshiden, qoǵamdyq-saıası salada básekege qabilettilikti arttyrýǵa jáne sonymen birge halyqtyń saıası quqyqtaryna qatysty is-qımylyn jandandyrýǵa baǵyttalǵan. «Bárine qarsymyn» baǵany saıası partııalar úshin el arasyndaǵy kóńil-kúı men saıası ynta-jigerdi baǵamdaýǵa múmkindik beretin «qoǵamdyq pikir barometriniń» biri bolmaq. Bul ózgerister, eń aldymen, saıası partııalar men qozǵalystardyń jumysyn jandandyrýǵa yqpal etedi. Ekinshiden, olar azamattardyń belsendi ómirlik ustanymyn yntalandyrady», - dedi Erlan Saırov.
Onyń aıtýynsha, «bárine qarsymyn» baǵanyn engizý jalpy qabyldanǵan saıası standarttarǵa sáıkes keledi. Ol qazaqstandyqtardyń saıası mádenıetin arttyrýǵa jáne saıası reformalardy ilgeriletýge yqpal etetin bolady.
Eske salsaq, 2021 jylǵy 15 qańtarda VII saılanǵan Parlamenttiń birinshi sessııasynyń ashylýynda sóılegen sózinde Memleket basshysy 10 qańtarda ótken saılaýda Májiliske ótý úshin keıbir partııalarǵa saılaýshylar daýysynyń sál ǵana jetpegenin atap ótken bolatyn. Osyǵan baılanysty Memleket basshysy bul partııalardyń Parlament jumysyna qatysýy zań shyǵarý qyzmetiniń tıimdiligin arttyrýy múmkin degen pikir bildirdi. Sol kezde Prezıdent Qasym-Jomart Toqaev saılaý bıýlletenderine «bárine qarsymyn» degen baǵandy engizýdi usyndy. Álemdik praktıkada adamnyń saılaýmen óz kelispeıtinin zańdy túrde bildirý nemese barlyq kandıdattarǵa qarsy daýys berý quqyǵy bekitilgen.
«Shyn máninde, balama pikir men qarsy daýys berý biz úshin qalypty jaǵdaı bolýy kerek. Sondyqtan barlyq deńgeıdegi saılaý bıýlletenderine «bárine qarsymyn» degen baǵandy engizý kqajet. Bul bastama azamattardyń saılaý quqyǵyn qorǵaýǵa jaǵdaı jasaıdy. Óıtkeni, tańdaýdyń joqtyǵyn resmı túrde kórsetý de tańdaýdyń bir túri», - degen Prezıdent.