Saıası reforma memlekettik basqarý júıesin jetildirýge baǵyttalǵan -Dúkembaeva

KÓKShETAÝ. QazAqparat - Elimizde qolǵa alynǵan konstıtýtsııalyq reforma - Qazaqstan qaı baǵytta damyp keledi degen suraqqa jaýap bolyp tabylady. Bul týraly «QazAqparat» HAA tilshisine Aqmola oblystyq fılarmonııasy basshysynyń orynbasary, QR Eńbek sińirgen ərtisi Sholpan Dúkembaeva aıtty.

Onyń pikirinshe, Ult Kóshbasshysynyń qazaqstandyqtarǵa arnaǵan Úndeýindegi úkimet tarmaqtary arasyndaǵy ókilettikti qaıta bólý máselesi boıynsha aıtylǵan usynystar óte mańyzdy.

«Konstıtýtsııalyq reformalardyń túpki máni bılik tarmaqtary ókilettikterin bólý men saıası júıeniń demokratızatsııalanýynda. Bul óz kezeginde, Qazaqstannyń odan ári demokratııalyq damýyna sebepshi bolmaq. Usynylǵan reforma zań shyǵarýshy bılik tarmaǵynyń atqarýshy bıligine baqylaý kúsheıtiletinin kórsetedi. Reforma memlekettik basqarý men saıası júıeniń tıimdiligin arttyrýǵa baǵyttalǵan. Úkimet pen Parlament rólderiniń artýy qazirgi zamanǵy syn-tegeýrinderge tıimdi toıtarys berý tetigin qurady. Reforma barlyq úkimet tarmaqtaryna jumysty tıimdi jáne jaýapty túrde atqarýdy qamtamasyz etedi. Usynylǵan reforma Qazaqstannyń uzaqmerzimdi damýy, oǵan qosa bes ınstıtýtsıonaldy reformalary men 2050 jyly damyǵan 30 memleketter qataryna ený maqsattaryna túbegeıli sáıkes keledi», - dedi QR Eńbek sińirgen ərtisi.