Saıası reforma qoǵamdy tolǵandyrǵan máseleni sheshýimen mańyzdy – Erlan Qarın

NUR-SULTAN. QazAqparat – Elimizde iske asyp jatqan memlekettik jáne saıası reformalardyń mańyzy men mindeti qandaı? Ony júzege asyrýda kimniń pikiri eskerilýi kerek? Osy jáne ózge de saıası reformalarǵa qatysty suraqtarǵa QR Prezıdentiniń kómekshisi Erlan Qarın jaýap berdi, dep habarlaıdy QazAqparat tilshisi.

«Búgin Memleket basshysynyń jańa Joldaýyn talqylaý úshin jınalyp otyrmyz. Múmkin sizderde Joldaýǵa qatysty qandaı da bir suraqtar bar shyǵar. Maqsat – Prezıdent júrgizip jatqan memlekettik reformalardyń mańyzdylyǵy men iske asý barysyn taldaý. Reforma birjaqty, bıliktiń ózdiginen qabyldaýymen júzege assa, onda qoǵam onyń keıbir sátterin túsinbeıtini ras. Sondyqtan memlekettik reforma bılik pen qoǵam birlesip qabyldaǵany jón. Sondaı-aq, kez-kelgen reformanyń mańyzy men oryndalýy qoǵamdyq talqydan ótýimen tyǵyz balanysty», - dedi Erlan Qarın.

Onyń aıtýynsha, qoǵam talqylaýynan ótpegen reforma birjaqtylyqty kórsetedi.

«Reformanyń máni qoǵamnyń úninen turady. ıAǵnı saıası reforma qoǵamdy tolǵandyrǵan máseleni sheshýimen mańyzdy. Osy oraıda saıası reformany qoǵam bolyp talqylaǵan jón. Búgingi jıyn sonyń kórinisi. Memleket basshysy óziniń 2019 jylǵy Joldaýynda ekonomıkalyq reforma saıası jáne qoǵam kózqarasynsyz máni bolmaıdy degen. Rasyndaı solaı. Sebebi bul qazirgi qoǵamnyń talaby», - deıdi ol.

Aıta ketsek, búgin elordada Prezıdent keńesshisi elimizdiń belsendi jastarymen Memleket basshysynyń Joldaýy men elde asyp jatqan saıası jáne qoǵamdyq reformalardy ortaǵa salyp jatyr.