Saıası partııalardyń tıimdiligi: Qoǵam ómirinde qandaı bastamalar júzege asty
«Aýyl» halyqtyq-demokratııalyq patrıottyq partııasy
Sholýǵa ilikken partııalardyń biri «Aýyl» halyqtyq-demokratııalyq patrıottyq partııasyn óńirlerdiń bárinde ókilderi bar saıası uıym deýge bolady. 2023 jyldyń 1 qańtarynda partııa músheleri 300 myńǵa jýyq adamǵa jetti. Partııa tóraǵasy – Álı Bektaev.
«Aýyl» partııasy tóraǵasynyń orynbasary Anas Baqqojaev QazAqparattyń saraptamalyq sholýshysymen áńgimelesý barysynda partııanyń negizgi mindetteri qoǵamnyń saıası ómirine jáne zańshyǵarmashylyq qyzmetke qatysý, sonymen qatar agrarlyq sektor men aýyldyq aımaqtardy damytýǵa baǵyttalǵan baǵdarlamalardy júzege asyrý ekendigin aıtady.
2016 jyldan bergi 6 jyldyń ishinde partııa qataryndaǵy kásipkerlerdiń esebinen 200-den astam aýyldyq eldi mekende sport nysandary salynyp, jóndeldi. Onda jumys isteıtin qyzmetkerler jalaqymen qamtyldy. Mundaı kómek elimizdiń barlyq óńirinde kórsetilgenimen, Túrkistan, Jambyl jáne Almaty oblystarynda qarqyndy júrgizildi.
Ashyq derekkózderdegi partııa qyzmetine qatysty málimetterge sáıkes, «Aýyl» partııasynan máslıhatqa saılanǵan depýtattar Batys Qazaqstan, Túrkistan, Almaty, Jambyl oblystarynda jol tóseý, sýmen jabdyqtaý jáne gazdandyrý máseleriniń sheshilýine óz úlesterin qosqan.
Partııa agrarlyq azyq-túlik saıasaty salasyndaǵy máselelerdi de belsendi túrde ilgeriletip keledi. Sonymen qatar «Aýyl» ózge de partııalarmen birge ekologııalyq jáne basqa da áleýmettik mańyzy bar aktsııalardy júzege asyrady.
2022 jyly «Aýyl» partııasy jylý elektr ortalyǵyndaǵy apattan jylýsyz qalǵan Ekibastuz turǵyndaryna gýmanıtarlyq kómek kórsetý isine belsendi qatysty. Túristan oblysynyń Atameken aýylynda san salaly sport kesheniniń ashylýyna muryndyq boldy.
«Aýyldyqtar» 2016 jyldan beri barlyq saılaýǵa qatysyp, saıası belsendilik te tanytyp keledi. 2022 jyldyń kúzinde Prezıdent saılaýyna da óz kanıdatyn usyndy. Al partııanyń óńirlik fılıaldary aýyl ákimderin saılaý kezinde kandıdattaryn usynyp, belsendi jumys isteıdi. Búginde partııanyń 32 múshesi aýyl jáne aýyldyq okrýgterge ákim bolyp saılanǵan.
«Partııanyń taıaý aralyqqa jospary aýyldyq aımaqtardy damytýdaǵy jumysyn jandandyrýmen baılanysty. Bıyl fılıaldar men belsendiler damýdyń jańa ádisteri men ekonomıkalyq modelin jasaýǵa kirisedi», - dep josparlary jaıly aıtyp ótti Anas Baqqojaev.
«Aq jol» Qazaqstannyń demokratııalyq partııasy
Bul partııanyń oblys ortalyqtary men qalalarda 20 fılıaly bar. sońǵy derekterge sáıkes, partııa músheleriniń sany 255 800 adamdy quraıdy. Onyń ishinde 64 paıyzy - erler, 36 paıyzy - áıelder. Saıası uıymdaǵy jastardyń úlesi 11 paıyzǵa jetip otyr.
2002 jyldyń sáýirinde tirkelip, 20 jyldan beri qyzmet etip kele jatqan partııaǵa búginde Azat Perýashev basshylyq jasaıdy. 2012 jyldan bastap «Aq jol» QDP parlamenttik partııa sanalady, Májiliste depýtattyq fraktsııasy bar. Sol jylǵy saılaý qorytyndysy boıynsha partııa saılaýshylardyń 7,47 paıyz daýysyn jınap, 8 depýtattyq mandat alsa, 2021 jylǵy saılaý qorytyndysynda partııa 12 mandatqa ıe boldy. Májilis saılaýymen qatar ótken barlyq deńgeıdegi jergilikti máslıhattarǵa saılaýda «Aq jol» partııasynyń 222 ókili depýtat bolyp saılandy.
«Aq jol» demokratııalyq partııasynyń negizgi maqsaty – árbir azamattyń erkin damýy, onyń quqyqtary men bostandyqtarynyń saqtalýy, barlyq qazaqstandyqtardyń ómir súrý sapasy men deńgeıin udaıy arttyrý úshin, sondaı-aq Qazaqstan qoǵamy men memleketiniń ekonomıkalyq, áleýmettik jáne saıası progresine qol jetkizý úshin qajetti jaǵdaılar jasaý. Sonymen qatar partııa Qazaqstanda básekege qabiletti jáne naryqtyq ekonomıka qurýdyń, jeke kásipkerlikti, eń aldymen shaǵyn jáne orta bıznesti jan-jaqty qoldaýdyń tabandy jaqtaýshysy sanalady.
«Aq jol» partııasy barlyq deńgeıdegi ákimderdi tikeleı saılaýdy usynyp júrgen saıası uıymdardyń biri. Bul talap partııanyń saıası baǵdarlamasynda da bar. aýyl ákimderin tikeleı saılaý 2021 jyly ótti. Onyń qorytyndysynda ákim laýazymyna «Aq jol» partııasynyń 11 ókili saılandy. Kelesi qadam - aýdan ákimderin tikeleı saılaý. Ol 2024 jyly ótedi.
Jalpy, partııanyń Májilistegi fraktsııasy óte belsendi. Tek fraktsııa jetekshisi Azat Perýashevtiń ózi 2021-2022 jyldary aralyǵynda shamamen 30 zań jobasyna 550-den astam túzetý usynǵan bolatyn. Onyń 200-i áriptesteri tarapynan qoldaý tapty. Al fraktsııanyń qalǵan músheleri túrli zańdarǵa shamamen 1 myń túzetý usynyp, onyń 500-den astamy qabyldandy.
Qazaqstan H alyq partııasy
Qazaqstan Halyq partııasynyń shamamen 150 myń múshesi bar. Degenmen, partııa el azamattarynyń basym bóliginiń múddesin bildirýge jáne qorǵaýǵa umtylady.
«Biz jaldamaly jumysshylardyń, jumyssyzdardyń, bıýdjet qyzmetkerleriniń, shaǵyn jáne orta bıznes ókilderiniń, zeınetkerler men jastardyń, sonymen qatar áleýmettik sala ókilderiniń saıası erik-jigerin bildiremiz. Bir sózben aıtqanda, biz – halyqtyń partııasymyz», - dedi QHP tóraǵasy Ermuhambet Ertisbaev.
Qazaqstan Halyq partııasynyń maqsaty – shynaıy halyq úkimeti, áleýmettik ádilettik, rýhanı bostandyq pen ǵylymı-tehnıkalyq ilgerileý jáne ǵylymı-tehnıkalyq qaǵıdattar negizinde órkendegen ekonomıka qoǵamyna umtylý. Mundaı qoǵamnyń negizi azamattyq quqyqtyń tolyqtyǵy men óz qabiletin damytý jáne kórsetý sonymen qatar túrli qajettilikti qanaǵattandyrý múmkindigine ıe adam bolýy kerek.
Halyq partııasy elimizdegi basty saıası oqıǵalarǵa belsendi qatysady. Aıtalyq, 2022 jyldyń 5 maýsymynda jalpyhalyqtyq reforendým ótip, onyń qorytyndysynda el Konstıtýtsııasyna túzetýler qabyldanǵan bolatyn. QHP bul referendýmdy qoldaý baǵytynda kóp jumys atqardy.
Partııa 2022 jylǵy jumysynyń taǵy bir mańyzdy nátıjesi Ata zańǵa «Jer jəne onyń qoınaýy, sý kózderi, ósimdikter men janýarlar dúnıesi, basqa da tabıǵı resýrstar halyqqa tıesili» degen normanyń engzilýi dep sanaıdy.
Aıta keterligi, partııa zeınetaqy júıesin reformalaý (onyń ishinde áıelderdiń zeınetke shyǵý jasyn 58 jasqa tómendetý bar), bıýdjetten zeınetaqyny, shákirtaqy men áleýmettik tólemderdi shynaıy ınflıatsııa deńgeıine deıin mindetti túrde jyl saıyn ındeksatsııalaý máselelerine qatysty usynystar boıynsha jumys isteýdi jalǵastyrýdy josparlap otyr.
«Baıtaq» Qazaqstannyń jasyl partııasy
Taıaýda ǵana elimizdiń saıası sahnasynda «Baıtaq» Qazaqstannyń jasyl partııasynyń tirkelgeni belgili boldy. Ázirshe partııa qatarynda 30 myńǵa jýyq múshe bar
Foto: facebook.com/ecoalliance.kz
Azamat Ámirtaı basshylyq jasaıtyn partııa patrıotızm, gýmanızm, áleýmettik ádilettilik jáne eldiń ulttyq múddesin qorǵaýdy basty ustanymy retinde aıqyndap alǵan.
«Ideologııalyq tiregimizge jáne saıası ustanymymyzǵa oraı bz «aýqymdy oılap, naqty áreket etýge» nıettimiz. Sondyqtan «saılaýdan saılaýǵa deıin tynbaı eńbektenetin, al saılaý kezinde azamattarǵa óz jumysy jaıynda baıandap, laıyqty nátıjege qol jetkizetin» naqty istiń partııasy retinde kórsetemiz», - dedi «Baıtaq» Qazaqstannyń jasyl partııasynyń tóraǵasy Azamat Ámirtaev QazAqparattyń saraptamalyq sholýshysyna bergen suhbatynda.
Foto:iSock.com
«Jasyl ıdeologııany» damytý boıynsha jastarmen jumys isteý basym maqsat retinde aıqyndalǵan. Partııa kóshbasshysynyń pikirinshe, jastar qorshaǵan ortany qorǵaý máselelerinde barynsha tez jáne jedel áreket etedi. Taǵy bir baǵyt - azamattardyń balǵyn jáne ekologııalyq taza ónimdermen ózin-ózi qamtamasyz etý júıesin qurý, jasyl ekonomıka men ınnovatsııalyq tehnologııalardy damytý.
«Biz 21-shi ǵasyrdaǵy ınnovatsııalyq tehnologııalar men ósip kele jatqan jasyl ekonomıkada ómir súrip jatyrmyz. Munaı, gaz jáne basqa da tabıǵı resýrstar bizge jańa tehnologııalardy joqqa shyǵarý jáne qaýip-qaterlerdi júzege asyrý úshin emes, ulttyq baılyqty arttyrý jáne ınnovatsııalyq tehnologııalar men jańartylatyn, jasyl ekonomıkaǵa tabysty kóshý úshin berilgen», - dep sanaıdy partııa tóraǵasy.
Partııalar sanynyń artýy – demo k ratııalyq qoǵam belgileriniń biri
Elimizde Ortalyq saılaý komıssııasynda tirkelgen 6 saıası partııa bar. Olar: «Amanat partııasy» qoǵamdyq birlestigi (QB), «Aq jol» Qazaqstan demokratııalyq partııasy» QB, «Qazaqstannyń halyq partııasy» QB, «Jalpyulttyq sotsıal-demokratııalyq partııasy» QB, «Aýyl» halyqtyq-demokratııalyq patrıottyq partııasy» QB jáne «Baıtaq» Qazaqstannyń jasyl partııasy» QB. Materıal daıyndalyp jatqanda Ádilet mınıstrliginde «Respublika partııasy» QB dep atalatyn taǵy bir saıası uıymnyń tirkelgeni belgili boldy. Bul partııalardyń ishinde úsheýiniń, atap aıtqanda «Amanat», «Aq jol», QHP-nyń ǵana Májiliste ókilderi bar.
Esterińizge sala ketsek, 2022 jyldyń 16 naýryzynda Memleket basshysy Qazaqstan halqyna Joldaýynda «Partııalardy tirkeý úderisi aıtarlyqtaı jeńildeıtin bolady. Bul rette partııalar úshin qarastyrylǵan tirkeý shegin tórt ese – 20 myńnan 5 myń adamǵa deıin tómendetý kerek. Al óńirlerdegi ókilderdiń sany úsh esege azaıtylyp – 600-den 200 adam bolady. Partııany qurý úshin bastamashyl toptaǵy azamattar sany eń kemi 1000 adamnan 700-ge deıin azaıtylady», - degen bolatyn.
Búginde bul bastamalar tolyǵymen júzege asyryldy. Nátıjesinde elimizde tirkelgen saıası partııalardyń sany artyp kele jatyr. Partııaǵa múshelik - eldiń saıası ómirine qatysý quraldarynyń biri. Saıası óriste ártúrli áleýmettik toptardyń múddelerin bildiretin partııalar neǵurlym kóp bolsa, memleket pen qoǵam ómiriniń beınesi soǵurlym tolyq bolady.
Sarapshylardyń pikirinshe, búginde Qazaqstanda saıası básekelestik úshin quqyqtyq jáne saıası jaǵdaılar barlyq deńgeıde bar. Azamattar ortalyq jáne jergilikti bılik organdaryn qalyptastyrýǵa jáne olardyń jumysyna qatysa alady. Memleket bılikti ortalyqsyzdandyrýǵa, azamattardyń saıası quqyqtary men bostandyqtaryn keńeıtýge qadam jasady. Endi basty másele azamattardyń berilgen múmkindikterdi qanshalyqty tıimdi paıdalanýynda bolyp tur.