Saıası partııalardyń ákimder saılaýyna úmitker usyný tártibi zańmen bekitiledi

NUR-SULTAN. QazAqparat – Saıası partııalarǵa ákimder saılaýyna kandıdat usyný múmkindigin berý úshin Saıası partııalar týraly zańnyń jarǵysyna túzetý engizilmek, dep habarlaıdy QazAqparat tilshisi.

Bul týraly Ulttyq ekonomıka mınıstriniń orynbasary Álishev Ábdiqadyrov Májiliste aıtty.

«Memlettik qyzmet týraly zańǵa engiziletin ózgertýler aýdandyq mańyzdaǵy qalalardyń, kent pen aýyldyń, aýyldyq okrýgterdiń ákimderin rotatsııalaý men attestattaý, tártiptik áreketter úshin laýazymyn tómendetý jáne óndirip alý sharalaryn qozǵaıdy. Al Saıası partııalar týraly zańǵa saıası partııalardyń aýyl ákimine úmitkerlerdi usyný boıynsha quqyqtary men mindetteri týraly jarǵyny tolyqtyra otyryp túzetýler engiziledi», - dedi vıtse-mınıstr.

Buǵan deıin habarlaǵanymyzdaı, Ulttyq ekonomıka mınıstrligi ázirlegen zań jobasynda saıası partııalardyń Májilis saılaýyna tirkeýden ótý shegin 5 paıyzǵa túsirý kózdelgen.

Sondaı-aq, Ulttyq ekonomıka mınıstrligi Májiliske «Qazaqstan Respýblıkasynyń keıbir zańnamalyq aktilerine saılaý máseleleri boıynsha ózgerister men tolyqtyrýlar engizý týraly» ilespe zań jobasyn tanystyrdy.