Saıası qýǵyn-súrgin qurbandarynyń tizimin jasaýda qazaqtyń shejiresine de qaraý kerek - Berik Ábdiǵalıuly
«Mamandar tolyq tizimin jasaý múmkin emestigin alǵa tartyp otyr. Qazaq halqynyń shejiresi bar. Árkim óz shejiresinde ótken ǵasyrdyń 20-30 jyldardaǵy derekterdi qamtý kerek. Búkil qazaq el bolyp jasamasaq, ony jalǵyz memlekettik komıssııa sheshe almaıdy. Mysaly, Ýkraınanyń ózinde úı-úıdi aralaý júrgizildi, olar qujattardy birshama retke keltirdi» - dedi B. Ábdiǵalıuly Ortalyq kommýnıkatsııalar qyzmetinde.
Onyń aıtýynsha, memlekettik komıssııa jumysymen qatar, halyq ta óz usynystary men estelikterin jetkizip, kómek kórsetýi kerek.
«Buǵan barshamyz birdeı atsalyspasaq, ulttyq joba retinde úles qospasaq, olardyń tizimin jasaý múmkin bolmaıdy. Sondyqtan ár azamat óziniń shejiresin qarap, túgendep shyqsa, ol da bir úlken nátıje bolar edi. Árıne, biz óz tarapymyzdan qujattardy qaraımyz, biraq árbir otbasynyń tizimin ashý qıynǵa túsedi», - dedi depýtat.
Aıta keteıki, QR Premer-Mınıstriniń orynbasary Eraly Toǵjanov asharshylyq qurbandarynyń tizimin jasaý jumystaryna qatysty túsinik berdi.
Tolyq tizimin jasaýda kúrdeli máseleler barshylyq .
Budan buryn habarlanǵandaı, QR Premer-Mınıstriniń orynbasary Eraly Toǵjanov Saıası qýǵyn-súrgin qurbandaryn aqtaý komıssııasynyń mindetterin atady.
Sonymen qatar, QR Bilim jáne ǵylym mınıstri Ashat Aımaǵambetov saıası qýǵyn-súrgin qurbandaryn tolyq aqtaý baǵytynda jumys isteıtin ǵalymdar bekitilgenin aıtty.