Saıası qýǵyn-súrgin qurbandaryn tolyq aqtaý: 11 jumys toby jasaqtaldy

NUR-SULTAN. QazAqparat - QR Memlekettik hatshysy Qyrymbek Kósherbaev Saıası qýǵyn-súrgin qurbandaryn tolyq aqtaý jónindegi Memlekettik komıssııanyń jobalyq keńsesine bardy, dep habarlaıdy Aqorda.

Búgin Qazaqstan Respýblıkasynyń Memlekettik hatshysy Qyrymbek Kósherbaev Saıası qýǵyn-súrgin qurbandaryn tolyq aqtaý jónindegi Memlekettik komıssııanyń jobalyq ofısiniń jumysymen tanysty.

Jobalyq keńseniń jalpy uıymdastyrý kezeńi aıaqtalǵan. Ǵalymdar men sarapshylardan quralǵan 11 jumys tobynyń jasaqtalǵany, arhıvtik qujattardy jınaqtaý, zerdeleý jáne Memlekettik komıssııa qorytyndysyna daıyndaýdyń ádistemesi men erejesi ázirlendi. Óńirlerde qurylǵan komıssııalardyń jumysy jandana bastaǵan.