Saıası belsendiliktiń jańa alańy qurylady – Sarapshy Májilis pen máslıhat saılaýy týraly

ASTANA. QazAqparat – Aldaǵy saılaý Qazaqstannyń saıası júıesin birtindep qaıta formattaýǵa yqpal etedi. Bul pikirdi QR Prezıdenti janyndaǵy Qazaqstandyq strategııalyq zertteýler ınstıtýtynyń aǵa ǵylymı qyzmetkeri Tatıana Lıpına aıtty, dep habarlaıdy QazAqparat tilshisi.

Sarapshy saılaý júıesi ózgergenin, proportsıonaldy-majorıtarlyq formatta ótetinin eske saldy. Endi Májilis depýtattarynyń úshten birin qazaqstandyqtar tikeleı saılaı alady.

«Majorıtarlyq júıe saılaýdyń ashyqtyǵyn qamtamasyz etedi. Bul máslıhattarǵa da qatysty. Oblystarda, respýblıkalyq mańyzy bar qalalarda jáne Astanada depýtattardyń jartysy okrýgter boıynsha, jartysy – partııalyq tizimmen saılanady. Basqa eldi mekenderde máslıhattar quramy tolyǵymen okrýg boıynsha saılanady. ıAǵnı, jergilikti halyq partııany emes, naqty adamdardy tańdaıdy», - dep jaýap berdi Tatıana Lıpına agenttik tilshisiniń saýalyna.

Onyń pikirinshe, jańa shaqyrylǵan Májiliske saılaý zańnamasyn odan ári jetildirý mindeti qoıylýy kerek. Mysaly, saılaýdyń ashyqtyǵyn qamtamasyz etý sharalaryn keńeıtý qajet.

Sonymen birge, spıker partııalardyń saılaýaldy platformalary men kandıdattary bekitiletin sezder kezeńi bastalatynyn atap ótti.

«Partııalardyń aldaǵy 6 jylǵa usynǵan baǵdarlamalaryna qarap, qaı partııanyń bul máselege júıeli túrde kelgenin kórýge bolady. Kóp nárse olardyń saılaýaldy strategııasy men saıası tehnologııalaryna baılanysty. Bul saılaýshylardyń saıası jetilýin anyqtaıtyn synaq bolmaq. Sondaı-aq, partııa usynǵan kandıdattardyń o basta qalyptastyrǵan jeke brendi partııanyń kún tártibin tanymal etýge yqpal etýi múmkin. Qalaı bolǵanda da, búgingi tańda saılaýǵa qatysýǵa tirkelgen 7 partııa belsendi jarysqa kepildik beredi», - deıdi Tatıana Lıpına.

Sondaı-aq, QSZI aǵa ǵylymı qyzmetkeri depýtattyqqa usynylǵysy keletinderdiń óte belsendi ekenin aıtty. Onyń aıtýynsha, bári birdeı talapqa saı kele bermeıdi, biraq saılaýǵa túsýge nıet bildirý saıası mádenıetti qalyptastyrý men azamattyq belsendilikti yntalandyrý turǵysynan mańyzdy.

«Saılaý naýqanynan ótkender saılaý nátıjesine qaramastan, saıası belsendiliktiń jańa alańyn qurady. Olar basqa da saılaý qarsańynda saıası qyzmetin jalǵastyra berse, depýtattyq mandattar bosasa, mańyzdy nátıje bolady», - dep túıindedi sarapshy.

Aıta keteıik, bıyl 19 naýryzda elimizde Májilis depýtattarynyń kezekten tys saılaýy ótedi jáne osy kúni máslıhat depýtattaryn da saılaý josparlanǵan.

Májilis pen máslıhat saılaýyna qatysýǵa 7 partııaǵa ruqsat berildi.