Saıasattanýshylar kongresiniń sarapshylar klýby Ult josparyn júzege asyrý úshin memlekettik organdarǵa usynys jasady

ASTANA. QazAqparat - Búgin Astanada «Ult jospary - azamattyq qoǵam damýynyń jańa kezeńi» taqyrybynda Qazaqstan saıasattanýshylar kongresi sarapshylyq klýbynyń ekinshi otyrysy ótti.

Sarapshylyq klýb jumysyna QR Parlamentiniń depýtattary, jetekshi qazaqstandyq jáne sheteldik sarapshylar, ÚEU jáne BAQ ókilderi, tanymal qoǵam qaıratkerleri qatysty, dep habarlady Saıasattanýshylar kongresiniń baspasóz qyzmeti.

Otyrys barysynda memlekettik qurylystyń jáne azamattyq qoǵamdy damytýdyń jańa kezeńi retinde «100 naqty qadam. Barlyǵy úshin zamanaýı memleket» Ult josparyna sarapshylyq baǵalaý jáne jan-jaqty taldaý jasaldy.

Ult jospary memleketti jańǵyrtýdyń keshendi baǵdarlamasy bolyp tabylatyny, ol Qazaqstannyń álemniń damyǵan 30 eliniń qataryna kirý maqsattaryna qol jetkizýge baǵyttalǵany jáne Qazaqstan damýynyń sapaly jańa kezeńi ekendigi atap ótildi.

Jumys qorytyndysynda Sarapshylyq klýb qatysýshylary ortalyq jáne jergilikti memlekettik organdar, qoǵamdyq birlestikter jáne barlyq múddeli taraptar úshin Ult josparyn júzege asyrý jóninde naqty usynystar usyndy.