Saıasattanýshy: Orta Azııada Qazaqstan aýyl ákimderin saılaýdy birinshi bolyp qolǵa aldy
Baýyrjan Serikbaevtyń aıtýynsha, Qazaqstanda 2300-den astam aýyl ákimi bar. 2023 jylǵa deıin barlyǵyn óz merziminiń aıaqtalýymen halyq saılaıtyn bolady.
«Bul tikeleı prezıden Qasym-Jomart Toqaev myrzanyń saıası reformasymen iske asyp jatqan, elimizde demokratııalyq basqarý prıntsıpterin ornyqtyratyn tarıhı qadam. Orta Azııa elderiniń ishinde Qazaqstan aýyl ákimderin saılaýdy birinshi bolyp qolǵa aldy. Memleket, qoǵam úshin tájirıbe, syn saǵat bolatyn mańyzdy saıası protsess»,- deıdi saıasattanýshy.
Sonymen qatar, ol saılaýdyń ereksheligine toqtaldy.
« Aýyl ákimine salyqtyń 9 sanatynan túsketin óz bıýdjeti beriledi. Ákimniń burynǵydaı aýdan ákimine jaltaqtamaı, óz bıýdjetimen aýyldyń máselesin sheshe alatyn múmkindigi bolady. Halyq saılaıdy. Ákim tikeleı óz saılaýshylarynyń aldynda jaýapty bolamaq. Halyq senimsizdik tanytyp, unamaǵan ákimdi keri qaıtaryp ala alady. Ákim bolý úshin jasy 25-ke tolǵan, joǵary bilimdi, memlekettik qyzmette eńbek tájirıbesi bar nemese aýyl sharýashylyǵy salasynda, jeke sektorda basshylyq qyzmette bolǵan azamattar saılana alady. Ákim 4 jyl merzimge saılanady. Sonymen qatar, kandıdattar ózin-ózi usyna alady. Ol úshin saılaýshylardyń 1% daýsyn alýy tıis. Taǵy bir aıta keterligi, saılaýǵa saıası partııalar atynan da túse alady»,- deıdi spıker.
Onyń aıtýynsha, Prezıdent elimizdegi 90% ákimderdi halyq saılaýy tıis degen talap qoıdy. 2024 jyldan bastap aýdan ákimderin saılaýǵa kelemiz. Bári sátti ótse sol tájirıbemen keleshekte iri qalalar men oblys ákimderin de halyq saılaıtyn núktege kelýimiz ábden múmkin.
«Meniń oıymsha Prezıdent bastaǵan bul reforma aldaǵy 4-5 jylda naqty isimen kóringen jańa saıası lıderlerdi halyq aldyna alyp shyǵady. Memlekettik basqarýda praktıkalyq tájirıbesi, nátıjesi, jetken jetistigi bar zamannyń jańa lıderlerin qalyptastyrady. Bul protsess aldaǵy 5-6 jylda qoǵamdyq sana men saıası mádenıetti múldem basqa satyǵa kóteretin bolady. Halyq sózdiń emes, istiń adamdaryn birden tanıtyn deńgeıge keledi. Soǵan qarap baǵa beriledi. Prezıdent bastaǵan aýyl ákimderin saılaý reformasy elimizdi satylap ózgeretin, demokratııa prıntsıpterin myqtap ornatatyn, eń bastysy Qazaqstandy sanaly, órkenıetti demokratııaǵa bastaıtyn birden bir jol bolady. Realızm solaı. Soǵan kele jatyrmyz»,-deıdi ol.
Eske salsaq, 25 mamyrda Prezıdent Qasym-Jomart Toqaev saılaý týraly Konstıtýtsııalyq zańǵa ózgertýler men tolyqtyrýlar engizýdi kózdeıtin qujatqa qol qoıǵan bolatyn.
Ulttyq ekonomıka mınıstrligi aýyl ákimerin tikeleı saılaý qalaı ótetindigin jáne QR Prezıdenti Ákimshiligi Basshysynyń orynbasary Málik Myrzalın ákim saılaýyna túsetin kandıdattarǵa qoıylatyn talaptardyń sebebin túsindirdi.
Sondaı-aq, Memleket basshysy aýyl ákimderin saılaý máseleleri jóninde keńes ótkizdi.