Saıasattanýshy naýryzdaǵy Nur Otan partııasynyń sezine qatysty pikir bildirdi
«Sezd barysynda oblystyq fılıal tóraǵalary men oblys ákimderiniń pozıtsııalaryn bólý týraly sheshim qabyldanady dep esepteý qısyndy bolar edi. Bul partııa fılıaldarynyń derbestik dárejesin de, jergilikti elıtadaǵy básekelestik deńgeıin de kúrt arttyryp, ákimdikterge talaptardy kúsheıtedi», - dep jazdy Talǵat Qalıev Telegram-da. https://t.me/kaliyevchannel
Onyń paıymynsha, Memleket basshysy Qasym-Jomart Toqaev Nur Otan partııasynyń tóraǵasy retinde qaı ýaqytqa deıin otyrýyna qatysty másele aıqyndalýy múmkin.
Sebebi bıyl qańtar aıynyń sońynda Prezıdent Nur Otan-ǵa odan ári tóraǵalyq etýiniń oryndylyǵy týraly másele qaıta qaralýy múmkin ekenin aıtqan edi.
«Sondyqtan Memleket basshysy bul sheshim jyl sońyna deıin bolýy múmkin ekenin aıtqan edi. Al kúzge josparlanǵan Joldaý naýryz aıyna aýystyrylǵanyn eskersek, partııa basshylyǵyna qatysty sheshim de áldeqaıda erterek jarııalanatynyn joqqa shyǵarýǵa bolmaıdy», - dedi saıasattanýshy.
Sonymen qatar ol naýryz aıyndaǵy Joldaý aıtarlyqtaı mańyzdy bolatynyn alǵa tartty. ıAǵnı mańyzdy qadamdar shoǵyrlandyrylǵan paket kúıinde, osy oraıda qoǵamnyń ózekti ári ótkir suranysy men Qasym-Jomart Toqaevtyń jeke josparlaryn qamtyp usynylady.
«Eger sezde onyń úndeýi tek partııalyqtarǵa baǵyttalsa, onda aıdyń orta kezinde barsha halyqqa arnalady. Bul turǵyda Prezıdenttiń halyqqa arnaǵan Joldaýy aýqymdy bolatynyn túsinikti», - dedi T. Qalıev.
Onyń sózine qaraǵanda, bul jaǵdaıda Prezıdentke qatysty aqparattyq shabýyldar erekshe sıpatqa ıe bolyp otyr.
«Naýryzdaǵy úndeý birqatar qaıtymsyz saıası protsesterdi iske qosýy yqtımal. Bul óz kezeginde burynǵy elıtalar tarapynan qajetsiz dep baǵalanyp, olardyń pozıtsııalarynyń turaqtylyǵyna qater retinde eskerilýi múmkin. Osy nusqany nazarǵa alsaq, Memleket basshysyna aqparattyq jáne saıası qysymnyń kúsheıýin boljaý qısyndy bolady», - dedi sarapshy.
Osy oraıda ol naýryz aıynda aldaǵy ýaqytta elıtalardyń sapaly jańarýyna jol ashatyn qadamdardyń jasalýy múmkin ekenin aıtty.