Saıasattanýshy Elbasynyń málimdemesi týraly: Adam kapıtalyn damytý basa aıtyldy

ASTANA. QazAqparat -  «Nur Otan» partııasynyń saıası saraptama jáne strategııalyq zertteýler ortalyǵynyń dırektory ıÝlııa  Kýchınskaıa Memleket basshysynyń Joldaýyna qatysty málimdemesine  óz pikirin bildirdi, dep habarlaıdy QazAqparat.

«Joldaýda adam kapıtalyn damýytýǵa basa nazar aýdarylyp otyr, bul óte mańyzdy. Sebebi, adam kapıtalyn damytatyn resýrstar bolmasa, jańǵyrtý týraly aıtýdyń ózi qıyn. Basty resýrstar - densaýlyq saqtaý jáne bilim berý salalary, dál osy baǵyttarǵa qarajat bólip, kóbirek nazar aýdarǵan jón», - deıdi ıÝ.Kýchınskaıa.

Onyń pikirinshe, Memleket basshysynyń bıylǵy joldaýy ótken jylǵy joldaýmen úndes.

«Prezıdent ótken jylǵy «Qazaqstannyń jańǵyrýy jáne tehnıkalyq revolıýtsııa jaǵdaıyndaǵy damýy» Joldaýyndaǵy ıdeıany jalǵastyryp keledi. Bıylǵy Joldaýda Prezıdent álemdik tarıhtan tys qalmaı, óz damýymyzda serpilis jasaý úshin nazarǵa alynýy tıis asa mańyzdy jaıttarǵa kóńil aýdardy», - dep atap ótti Kýchınskaıa.

Sondaı-aq, ortalyq dırektory Prezıdenttiń tutas ekonomıkalyq sektordy tsıfrlandyrýǵa der kezinde zeıin aýdarǵanyn basa aıtty.

 «Memleket basshysy ár bólimde memlekettik qyzmettiń ǵana emes, ekonomıkanyń da tsıfrlandyrylýy qajettigin jetkizdi.  Bir qyzyǵy, «Tsıfrlyq Qazaqstan» týraly aıtqanda, tutas ekonomıkanyń emes, basqarý salasyndaǵy tsıfrlyq tehnologııalar ǵana aıtylady», - deıdi ıÝ. Kýchınskaıa.