Saıasattanýshy: Pýtın men Toqaevtyń suhbaty eki negizgi aýdıtorııaǵa baǵyttalǵan

<p>Saıasattanýshy Edýard Poletaev Memleket basshysy Q. Toqaevtyń reseılik &laquo;<a href="https://kaz.inform.kz/news/kasim-zhomart-tokaev-kazakstan-men-resey-arasindagi-intimaktastiktin-tarihi-bay-zhane-bolashagi-zharkin-213923/" target="_blank" rel="noopener">Izvestııa</a>&raquo; gazetine bergen jáne Reseı Prezıdenti V. Pýtınniń &laquo;<a href="https://kaz.inform.kz/news/gazprom-kazakstannin-soltustk-zhane-shigis-audandarin-gazdandiruga-dayin-vladimir-putin-4e23cb/" target="_blank" rel="noopener">Kazahstanskaıa pravda</a>&raquo; gazetine bergen suhbattardyń basty tezısterine taldaý jasady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

Onyń sózinshe, eki eldiń basshylary bul suhbattarda aradaǵy alys-beris pen barys kelistiń sanjyldyq qorytyndylaryn óz memleketteriniń múddesi turǵysynan tarazylaǵan. 

«Materıaldardan daýly nemese ekiushty maǵyna beretin ýájder men qorytyndylardy baıqamadym. Bul Reseı Federatsııasynyń saparyna aqparattyq daıyndyq sııaqty kórinedi. Sol aqparattyq daıyndyq retinde suhbat formatyn tańdap alsa kerek. Buǵan deıin prezıdentterdiń avtorlyǵymen mátin kúıindegi materıaldar jarııalanǵan sátter bolǵan. Aqparattyq daıyndyqtyń túrli tásili bar. Ondaı materıaldar resmı saparlar qarsańynda ǵana emes, mańyzdy oqıǵalar aldynda da jazylyp jatady», - deıdi Edýard Poletaev.

Saıasattanýshy bul sózine dálel retinde Prezıdent Qasym-Jomart Toqaevtyń byltyr amerıkalyq jýrnaldarda jarııalanǵan materıaldaryn eske saldy. Ol maqalanyń biri qyrkúıek aıynda ótken dinder sezine, ekinshisi Táýelsizdiktiń 30 jyldyǵyna arnalǵan edi.

«Eki prezıdenttiń suhbaty eki negizgi aýdıtorııaǵa baǵyttalǵan. Birinshi kezekte bul eki eldiń ishki aýdıtorııasyna – azamattar men saıasatkerlerge, qoǵamdyq uıymdar men BAQ-qa arnalǵan. Ekinshi aýdıtorııa – syrttaǵy jurt. Óıtkeni, álemde týrbýlenttilik artqanyn kórip otyrmyz. Memleket basshylarynyń arasyndaǵy ózara baılanys týraly túrli joramal, boljamdar kóp», - deıdi sarapshy.

Edýart Poletaev eki suhbatta da Reseı gazyn Qazaqstan aýmaǵy arqyly Ózbekstanǵa jetkizý jobasyna mán berilgenin aıtady.

«Keıingi kezde orys dıplomatııasy Ortalyq-Azııaǵa bet bura bastady. V. Pýtınniń suhbatynda Reseı-Ortalyq Azııa formatyndaǵy sammıt týraly suraq qoıylǵan. Onyń jaýabynda bul formattyń Reseı úshin mańyzy, negizgi mazmuny qamtylǵan. Reseı men Qazaqstan eki bólek memleket bolǵanymen ortaq máseleleri kóp. Reseıde 60 myńdaı qazaqstandyq stýdent oqyp jatyr. Munaı-gaz salasyndaǵy baılanystar, ınvestıtsııalar, tranzıt máselesi, orys tiliniń yqpaly men mádenı baılanystar suhbatta sóz bolǵan. Qazaqstannyń Shanhaı yntymaqtastyq uıymyna tóraǵalyǵy týraly aıtylǵan», - deıdi saıasattanýshy.