Saıasatqa jastardyń kelýi qýantady- aqyn

ALMATY. QazAqparat - Jıyrma birinshi ǵasyrdyń, jıyrma birinshi jylynda ótip jatqan saıası naýqan erekshe. Mundaı pikirdi Aqyn, Qazaqstan Jazýshylar Odaǵynyń múshesi Maraltaı Raıymbekuly aıtty, dep habarlaıdy QazAqparat tilshisi.

«Bul saılaýdyń ereksheligi áıel zatyna basymdyq berip otyr. Bul dál qazirgi ýaqytta kerek nárse. Demokratııalyq memlekettiń ilgerleýin kórsetedi. Taǵy bir aıtatyn nárse, ol býynyń almasýy. Saıasatqa jastardyń kelýi qýantady. Barlyq nárse jańaryp turady. Osy turǵydan alǵanda men jastarǵa berilgen múmkindikterge qýanamyn. Bul ózin-ózi aqtaıdy.Sebebi, jastarda jańashyldyq bar. Olar qoǵam úshin kóp eńbek etedi dep oılaımyn»,- deıdi aqyn.

Sonymen qatar, aqyn daýys berer aldynda bata berip, tilek tileginin aıtty.

«Men keńes úkimeti kezinen bastap daýys berip kelem. Eshqashan saılaýǵa barmaı qalǵan kezim bolǵan emes. Ata-analarmyz barlyq sharýany ysyryp qoıyp saılaýǵa baratyn. Jańa daýys bererdiń aldynda «bata» berip, betimdi sıpadym. Tilegim bir. El aman, jurt tynysh bolsa eken. Jıyrma birinshi ǵasyrdyń, jıyrma birinshi jyly saılaýmen bastaldy. Muny jaqsylyqqa jorımyn»,-deıdi Maraltaı