Saıasatqa qatysy joq: SІM kókpardaǵy daýǵa qatysty túsinik berdi

<p>ASTANA. KAZINFORM &ndash; Qyrkúıekte elimizde ótken dúnıejúzilik kóshpendiler oıyndary barysynda kókpardan Qazaqstan quramasy jeńimpaz atandy, ekinshi orynǵa qyrǵyzdar turaqtady. Oıyn barysynda eki jaq arasynda keleńsizdik týyndap, bul másele ásirese jelide keńinen talqylandy. Osy oraıda Syrtqy ister mınıstrliginen atalǵan faktiniń eki el arasyna syzat túsirmedi me, - dep suraǵan edik.</p>

«Qyrǵyzstan – bizge baýyr el. Jarys boıynsha qandaı da bir túsinispeýshilik týyndasa, ol tek sportqa qatysty, saıasatqa qatysy joq. Qazaqstan men Qyrǵyzstannyń dıplomatııalyq qarym-qatynasyna áser etpeıdi. Biz ǵasyrlar boıy kórshi eldermiz, solaı bolyp qalamyz», - dedi vedomstvonyń resmı ókili Aıbek Smadııarov BAQ ókilderiniń saýalyna. 

Resmı ókildiń pikirinshe, qyrǵyzdar emotsııaǵa berildi, onyń ábestigi joq. 

Eske sala ketsek, Ulttyq qaýipsizdik komıteti kóshpendiler oıyndarynda Qyrǵyzstan quramasynyń kókparshysyna UQK qyzmetkeri qysym kórsetkenin joqqa shyǵarǵan edi. 

«UQK qyzmetkerleri 5-shi Dúnıejúzilik kóshpendiler oıyndaryn ótkizý barysynda qoǵamdyq tártipti qamtamasyz etýge qatysqan joq», - delingen habarlamada.