Saıasat Nurbek jataqhanadaǵy oryn tapshylyǵyna qatysty derektermen bólisti

<p>Elimizde 17,5 myń jataqhana orny jetispeıdi. Bul týraly Ǵylym jáne joǵary bilim mınıstri Saıasat Nurbek aıtty, dep habarlaıdy Kazinform.</p>

«Jalpy, 30 qarashadaǵy derekke sáıkes, elimiz boıynsha 17,5 myń oryn jetispeıdi. Eń úlken qajettilik Almatyda shamamen – 8 myń, Astanada – 6,5 myńǵa jýyq, Soltústik Qazaqstan oblysynda – 2,5 myń oryn. Túrkistan men Aqmola oblysynda da tapshylyq bar. Qalǵan 14 óńirde bári durys jáne sheshilgen. Sondyqtan qazirgi ýaqytta negizgi nazardy Astana men Almaty qalalaryna aýdaryp otyrmyz. Salynyp jatqan, jyl sońyna deıin paıdalanýǵa beriletin 10,3 myń oryndyq 43 jataqhananyń 30-y sol qalalarda», - dedi mınıstr Úkimet otyrysynan keıingi brıfıngte.

Onyń atap ótýinshe, kelesi jyly taǵy 12 myńǵa jýyq jataqhana orny paıdalanýǵa beriledi.

«Biz tapshylyqty joıýdy josparlap otyrmyz. Biraq, barlyq ýaqytta da jetispeýshilik bolady. Óıtkeni, bul bir sáttik problema emes jáne stýdentter sany artyp keledi. Qurylysty toqtatpaýymyz qajet. Sebebi, eger demogrfııalyq ósim jalǵassa, onda qazir bizde 620 myń stýdent bolsa, 2030 jylǵa qaraı olardyń sany 1 mlnǵa jetedi», - dedi Saıasat Nurbek.