Saıasat Nurbek talapkerler arasynda zańger mamandyǵyna nege suranys joǵary ekenin túsindirdi

<p>ASTANA. KAZINFORM &ndash; Kóp ata-ana balalaryn &laquo;quqyq&raquo; mamandyǵyna baǵyttap jatyr. Bul týraly búgin Senatta zań biliminiń sapasyn arttyrý taqyrybyndaǵy ǵylymı-praktıkalyq konferentsııada QR Ǵylym jáne joǵary bilim mınıstri Saıasat Nurbek aıtty.</p>

«2000-shy jyldary gýmanıtarlyq mamandyqtarǵa suranys joǵary boldy. Birneshe joǵary oqý orny lıtsenzııany alyp, «quqyq» baǵytynda mamandardy daıarlaýǵa kiristi. ıAǵnı osy mamandyqtardy daıarlaý ońaı dep sanady. Sebebi bul mamandyqqa túrli zerthanalar qurý qajet bolmady. Qazir Qazaqstanda 36 myńnan astam bilim alýshy 59 joǵary oqý orynynda oqyp jatyr. Keıingi 3-4 jylda 13 joǵary ornynyń lıtsenzııasyn qaıtaryp alyp, olardyń «quqyq» mamandyǵy boıynsha oqytýyn shektedik. Sebebi olarda bilim sapasy tómen boldy. Atap aıtqanda, bul baǵyttaǵy jumys jalǵasady. Qazir tıisti saraptamany jasap jatyrmyz», - dedi S. Nurbek.

Onyń aıtýynsha, atalǵan 36 myń adamnyń 34,5 myńy bakalavrıatta oqyp jatyr.

«Bul neni bildiredi? Demek, zertteýshi format áli de álsiz. Magıstratýra, doktorantýra aıasynda zertteý jasap jatqan adamdar bul salada óte az, 5 paıyz shamasynda. Zańgerlik mamandyqqa túsetin talapkerlerge UBT aıasynda shekti baldy kóterýdi pysyqtap jatyrmyz. Bul qadam sapany kóterý úshin jasalady. Keıingi jyldary talapkerler sany 12 paıyzǵa artqan, ıaǵnı áli de osy salaǵa suranys joǵary. Kásiptik baǵdar boıynsha jumystar nashar bolǵandyqtan, áli kúnge deıin kóp ata-ana balalaryn zańgerlik mamandyqqa baǵyttap jatyr. Olar «zańger bolsań, jumyssyz qalmaısyń» degen paıymda júr. Jalpy, stýdentterdiń 97 paıyzy aqyly túrde bilim alyp jatyr. Talapkerler arasynda suranys joǵary bolǵandyqtan, joǵary oqý oryndary olardy aqyly bólimge qýana qabyldap jatyr», - dedi mınıstr.

Onyń sózine qaraǵanda, memlekettik tapsyrys túlekterdi jumysqa ornalastyrý jaǵynan kórsetkishi joǵary ýnıversıtterge bólinedi.