Saıasat Nurbek: Biryńǵaı ýaqyt beldeýine kóshý – densaýlyqqa da baǵyttalǵan qadam

<p>ALMATY. KAZINFORM &mdash; Almatyda &laquo;Biryńǵaı ýaqyt beldeýi: ǵylymı aspektiler&raquo; atty ótken dóńgelek ústelde ǵalymdar men sarapshylar ýaqytsha ózgeristerdiń azamattardyń densaýlyǵyna áserine qatysty máseleni talqylady.</p>

Ǵylym jáne joǵary bilim mınıstri Saıasat Nurbek dóńgelek ústel barysynda halyqtyń densaýlyǵy men psıhıkalyq jaı-kúıin jaqsartý úshin biryńǵaı ýaqytqa kóshýdiń mańyzyn atap ótti.

Mınıstrdiń aıtýynsha, kúızeliske jáne aqparattyń úlken aǵynyna toly qazirgi tańda adam mıy únemi demalmaı júre almaıdy. Aqparattyń shamadan tys kelýi, bıologııalyq yrǵaqtar men naqty ýaqyttyń sáıkes kelmeýi kognıtıvti qabiletterge jáne jalpy densaýlyqqa keri áser etedi.

- Qazaqstan biryńǵaı ýaqyt beldeýine aýysa otyryp, tabıǵı kúnge negizdelgen durys bıologııalyq yrǵaqqa qaıta oraldy. Bul rejımdi ózgertý ǵana emes, aqyl-oı belsendiligin qalpyna keltirý, zeıinin jáne jalpy ál-aýqatyn jaqsartý múmkindigi, - dep atap ótti Saıasat Nurbek.

Mınıstr ǵylymı zertteýler bıologııalyq yrǵaqtardy tabıǵı ýaqytpen úılestirý uıqynyń sapasyn jaqsarýyna, kúızelis deńgeıiniń tómendeýine jáne tanymdyq qabiletterdiń joǵarylaýyna yqpal etetindigin atap ótti.

Biryńǵaı ýaqyt beldeýine kóshý – bul yńǵaılylyqqa ǵana emes, densaýlyqqa da baǵyttalǵan qadam, bul ásirese adam resýrstary jıi shekten tys jumys isteıtin qazirgi álemde óte mańyzdy.

Osyǵan deıin, Ǵylym jáne joǵary bilim mınıstrligi zertteý algorıtmin túsindirgen edi. 

Budan buryn habarlanǵandaı, bıyl qarasha aıynda Qazaqstanda biryńǵaı ýaqyt beldeýiniń adamdarǵa áseri zertteletini málim boldy. 

Ýaqyt beldeýin zertteýge shamamen 160 mln teńge jumsalmaq.