Saýytbek Ábdiraxmanov saılaý men tańdaýdyń aıyrmashylyǵyn túsindirdi
Onyń aıtýynsha, buryn qazaq jerinde aǵa-sultan men bolys saılaýy uıymdastyrylǵan. Keńester kezinde de joǵarǵy keńes depýtattarynyń saılaýy boldy. Al ótken ǵasyrda osy sózge basqa reńk berildi.
"Ony saıası turǵyda óte aqyldy adamdar jasady. "Saılaý" sózi ári "vybory", ári "ızbranıe". Keńestik ıdeologııa osy defınıtsııanyń "ızbranıe" maǵynasyna kóbirek salmaq saldy. Sóıtip, saılaýdy belgili laýazymdy qyzmetke kótermeleý, marapattaý yńǵaıyna keltirdi. Máselen, "ızbranıe depýtatov verxovnogo soveta" degen yńǵaıǵa keltirdi. Óıtkeni ol kezde ortalyq komıtette kelisilgen tizim boıynsha saılanatyndyǵy anyq edi. Bir kandıdat, sol adamǵa daýys beriledi. Sol kezde bir adamnan qalaı tańdaý bolady. Bir adamnan bir adam tańdaý múmkin emes. Sol kezde "ızbranıe" - "joǵary kótermelep marapattaý, úlken laýazym berý" turǵysyna keldi. Al táýelsizdik jyldary qaıta qurýdan keıin "vybory" sóziniń "tańdaý" degen maǵynasy ashyla bastady. Biraq áli de tolyq ashylǵan joq. Negizi, "vybory" degen sózdiń óz maǵynasy - "tańdaý". Mine, termındi qalaı alýǵa jáne qalaı túsinýge baılanysty qandaı úlken uǵymdardyń qalyptasatynyna naqty mysal", - dedi S.Ábdiraxmanov.
Aıta keteıik, búgingi jıynda professor Sherýbaı Qurmanbaıuly termınologııanyń ózekti máselelerin atap ótti. Osy oraıda ǵalym termınkomnyń quziretin kúsheıtý kerek dep sanaıdy.
Budan bólek, termınderdi tańdaǵanda basshylyqtyń bedeli basym bolyp ketedi.
Al Axmet Baıtursynov atyndaǵy Til bilimi ınstıtýtynyń dırektory, professor Erden Qajybek termınologııa sózdikterin shyǵarý josparlary týraly aıtty.
Asyǵys aýdarylǵan termınder de jarııalandy.