Saýsaq izin tapsyrýǵa mindetteý: Jeke málimet qaýipsizdigine kepil bar ma

<p><span style="font-family: sans-serif; font-size: 18px;">Mindetti daktıloskopııalyq tirkeýdiń tártipterin túsindirgen Kóshi-qon qyzmeti komıtetiniń aǵa ınspektory Nurjan Janabaev azamattardyń jeke derekteri qalaı qorǵalatynyn aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat.</a></span></p>

«Saýsaq izderin saqtaý qaýipsizdiginen jáne júıeden derbes derekterdiń jarııa bolyp ketýinen qorqatyndar úshin habarlaımyz – saýsaq izi týraly aqparat memleket kepildik beretin qorǵaýǵa jatady. Daktıloskopııalyq tirkeýden ótken Qazaqstan azamattarynyń aqparaty derekter bazasynda saýsaq izderiniń tsıfrlyq modeli men biregeı ıdentıfıkator retinde kórsetiledi. Onda tegi, aty, ákesiniń aty jáne jeke sáıkestendirý nómiri (JSN) sııaqty derbes derekter joq», - dep túsindirdi Nurjan Janabaev.

ІІM ókili málim etkendeı, qazir ýákiletti organ júıeniń aqparattyq qaýipsizdik talaptaryna sáıkestigin anyqtaý úshin synaq júrgizip jatyr.

Eske salaıyq, keler jyldan bastap jeke kýálik pen pasport alatyn qazaqstandyqtar saýsaq izin tapsyrýǵa mindetteledi. Odan bas tartqan jaǵdaıda aıyppul salynady.