Saýranda naýqanǵa qatysýshylar qobyzshy qyzdyń ónerin tamashalady

TÚRKІSTAN. QazAqparat – Saýran aýdanynda referendým ýchaskesinde daýys berýshilerge jas qobyzshy merekelik kóńil-kúı syılady, dep habarlaıdy QazAqparat tilshisi.

Saýran aýdanyndaǵy №67 referendým ýchaskesine kelýshiler Bolgarııada ótken halyqaralyq festıvaldiń gran-prı ıegeri, respýblıkalyq «Uly dala daýysy», «Jas sazger» baıqaýlarynyń jeńimpazy Keles Elbilgeniń kontsertin tamashalady. Jas qobyzshy otandyq jáne álemdik týyndylardy oryndap, kópshiliktiń ystyq yqylasyna bólendi.

Jalpy, saýrandyqtar referendýmǵa belsendilikpen qatysyp jatyr. Tańerteń erte kelgen túrǵyndar arnaıy syılyqtarǵa ıe boldy. Al, 18 jastaǵylar «Birinshi ret daýys berýshi» syılyǵymen marapattaldy.

Buǵan deıin habarlaǵanymyzdaı, Túrkistan oblysy Maqtaaral aýdanynyń 85 jastaǵy turǵyny Jandarbek Júsipov alǵashqylardyń biri bolyp daýys bergen edi.

Sondaı-aq, daýys berýshi arystyq turǵyn shashý shashsa, saryaǵashtyq zeınetkerge shapan jabyldy.

Al, ǵasyr jasaǵan Arys qalasynyń turǵyny Rysaldy Beısenbaeva nemerelerin erte keldi.

Túlkibastyq ustazdar dınastııasy da otbasylyq dástúri boıynsha óz tańdaýyn jasady.

Saıramdyq soǵys ardageri daýys berýdiń mańyzdylyǵy týraly aıtty.