Saýran aýdanynyń evakýatsııalanǵan turǵyndary úılerine orala bastady
Túrkistan oblysynda sý tasqynyna qarsy is-sharalar jalǵasyp jatyr. Qazirgi tańda keı aımaqtarda sý arnasyn burý jumystary júrgizilýde. Túrkistan oblysy TJD baspasóz qyzmetiniń málimetinshe 200-ge jýyq aýla sýdan tazartylǵan. Jalpy 85 aýla aýmaǵynan 197 tekshe metr sý shyǵaryldy.
Tótenshe jaǵdaı mınıstrligi men jergilikti atqarýshy organdardyń kúshterimen úılerdi sý basý saldaryn boldyrmaý jáne azaıtý maqsatynda aýla aýmaqtarynan sýdy soryp shyǵarý jumystaryn júrgizýde. Búginde aýyl aımaqtardaǵy jol jıekterine barlyǵy 15 000 astam qum salynǵan qap qoıylǵan.
Aıta keteıik, Túrkistan oblysynda jaýǵa nóser men qardyń erýi saldarynan birneshe eldi mekendi sý basyp qaldy. Óńirde jedel jeli iske qosyldy. Saýran aýdanynda mektep oqýshylary onlaın oqýǵa kóshti.
Keıin Qyzylorda men Túrkistan oblystarynda aýa raıynyń qolaısyzdyǵynan avtomobıl joldarynyń birqatar bóliginde kólik qozǵalysyna shekteý qoıyldy.
Foto: t.me/qr_tjm