Sáýir aıynyń ekinshi jartysynda kún 27 gradýsqa deıin jylıdy

<p>ASTANA. KAZINFORM - Klımattyq málimetter boıynsha sáýir aıy Qazaqstannyń barlyq aýmaǵynda kóktemniń bastalatyn ýaqyty. Sáýir aıynda kún tez uzaryp, kún kókjıekten joǵary kóteriledi. Odan ári kún jylynady, dep habarlaıdy <a href="https://www.kazhydromet.kz/weather/prognoz-i-obzor-fakticheskoy-pogody-po-mesyacam" target="_blank" rel="noopener">Qazgıdromet</a>.</p>

Sınoptıkterdiń boljamynsha, sáýir aıynda Qazaqstannyń barlyq aýmaǵynda bir aıdaǵy ortasha aýa temperatýrasy normadan 1-2° joǵary bolady dep kútilýde.

Sáýir aıynda jaýyn – shashyn mólsheri respýblıka aýmaǵynyń basym bóliginde normadan kóp. Ulytaý, Qaraǵandy, Pavlodar oblystarynda, Soltústik Qazaqstan, Aqmola, Jambyl, Almaty, Jetisý jáne Abaı oblystarynyń basym bóliginde, Qyzylorda, Túrkistan oblystarynyń soltústik-shyǵysynda jáne Shyǵys Qazaqstan oblystarynyń soltústik-batysynda norma shamasynda boljanady.

Bir aı ishinde Kaspııdiń ońtústiginen jáne Reseıdiń Eýropalyq aýmaǵynan tsıklondardyń áserinen kún raıynyń turaqsyzdyǵy basym bolady. Jeldiń jyldamdyǵy sekýndyna 15-20 m/s-ke deıin kúshsheıedi, keıbir kúnderi ekpini 23-28 m/s deıin (batysta jáne ońtústikte shańdy daýylmen) jetedi, respýblıka boıynsha naızaǵaı oınap, burshaq jaýady.

Sáýir aıynyń birinshi onkúndiginiń basynda jáne ekinshi jartysynda QR basym bóliginde jaýyn-shashyn kútiledi: jańbar, túnde jańbyr men qar jaýýy yqtımal. 3, 10 sáýirde Abaı jáne Shyǵys Qazaqstan oblystarynda, onkúndiktiń sońynda 8-9 sáýirde eldiń ortalyǵy men ońtústik - shyǵysynda (Ulytaý, Qaraǵandy, Jambyl oblystary), 9 sáýirde Túrkistan, Almaty jáne Jetisý oblystarynda qatty jaýyn-shashyn bolady dep boljanýda. Respýblıka boıynsha tuman túsip, eldiń soltústiginde, shyǵysynda, ortalyǵynda kóktaıǵaq bolady. Jaýyn-shashynnyń toqtaýy eldiń batysynda onkúndiktiń basynda, respýblıkanyń basym bóliginde onkúndiktiń ortasynda kútiledi.

Onkúndiktiń alǵashqy kúnderinde respýblıkanyń basym bóliginde aýa temperatýrasynyń tómendeýi kútiledi: soltústik-batysta, soltústikte, shyǵysta, eldiń ortalyǵynda túnde -2-7°S deıin, kúndiz +3+8°S deıin, sodan keıin 4 sáýirden bastap aýa temperatýrasy túnde 0+5°S, kúndiz +12+20°S deıin joǵarylaıdy. Onkúndiktiń sońynda temperatýralyq fon túnde -2-7°S deıin, kúndiz +5+12°S deıin qaıta tómendeýi boljanady.

Sáýir aıynyń basynda eldiń ońtústigi men ońtústik-shyǵysynda aýa temperatýrasy túnde -5+3°S deıin, kúndiz +5+15°S deıin tómendeıdi, sodan keıin túnde +3+10°S deıin, kúndiz +13+23°S deıin joǵarylaıdy dep boljanýda. Onkúndiktiń sońynda aýa temperatýrasy túnde -3+5°S deıin, kúndiz +7+15°S deıin tómendeýi boljanady.

Qazaqstannyń batysynda aýa temperatýrasynyń negizgi fony túnde +2+9°S, kúndiz +13+20°S quraıdy.

Sáýirdiń ekinshi jáne úshinshi onkúndiginde Iran men Orta Azııa aýdandarynan jyly aýa massalarynyń shyǵarylýymen temperatýralyq fon joǵarylaıdy:

eldiń soltústiginde, ortalyǵynda jáne shyǵysynda túnde +2+10°S deıin, kúndiz +15+25°S deıin;

ońtústik óńirlerde jáne QR batysynda túnde +7+13°S deıin, kúndiz +17 + 27°S deıin.

Alaıda, sýyq aýa raıynyń qaıtalanýy boljanady. Respýblıkanyń soltústik, ortalyq jáne shyǵys aımaqtaryndaǵy Reseı aýmaǵynan sýyq aýa massalarynyń aǵýy kezinde termometrlerdiń baǵandary túnde -2-7°S-qa deıin, kúndiz +6+11°S-qa deıin, ońtústik aımaqtarda jáne eldiń batysynda túnde -2+7°S-qa deıin, kúndiz +10+18°S -ge deıin tómendeýi múmkin.