Sáýle Dosjan: Batys elderinde referendým jylyna onshaqty ret ótedi

<p>ALMATY. KAZINFORM — Almatydaǵy № 112 referendým ýchaskesinde Qazaqstannyń eńbek sińirgen qaıratkeri, aqyn, jazýshy Sáýle Dosjan daýys berdi.</p>

— Ózimniń azamattyq paryzymdy oryndap, daýys berdim. Shynynda búgingi referendým elimizde eń kóp talqylanǵan másele eken — 400 kún boıy sóz bolǵan. 1,5 jyl oılanyp, ony halyqtyń talqysyna salyp jatyr. Batys elderinde jylyna 14-16 referendým ótedi eken. Sebebi olar árbir zańdy halyqpen birge talqylaıdy. Al halyq «men óz quqyǵymdy paıdalanýym kerek» dep erinbeı barady eken. Bul da sondaı. Kelip, daýys berý arqyly óz pikirimizdi bildiremiz, — dedi Sáýle Dosjan.

Foto: Dosbol Atajan/Kazinform

Aıta ketken jón, Sáýle Dosjan 1977 jyldan beri BAQ salasynda qyzmet istedi.

2015 jyly QR Prezıdenti Jarlyǵymen «Qazaqstannyń eńbek sińirgen qaıratkeri» ataǵymen marapattaldy.

2020 jyly halyqaralyq «Alash» ádebı syılyǵyna ıe boldy. 

Bıyl jazýshynyń jeti jyl jazǵan romany Mecenat.kz baıqaýynda úzdik dep tanylǵan edi.  

Eske salaıyq, buǵan deıin QR Halyq artısi, Almatynyń qurmetti azamaty Bıbigúl Tólegenovanyń referendýmda úıden daýys bergenin jazǵanbyz.