Saýl Alvares: Golovkınniń burynǵy qarsylastaryn op-ońaı qulatar edim

ASTANA. QazAqparat - 16 qyrkúıekte Golovkınmen bylǵary qolǵap túıistiretin meksıkalyq boksshy Saýl Alvares kezdesýge qatysty pikirin bildirdi, dep habarlaıdy «QazAqparat» HAA tilshisi.

Reseılik allboxing.ru saıtynda berilgen málimetke sáıkes, Kanelo qazirgi ýaqytta naǵyz babynda ekenin, burynǵydan góri myqty boksshyǵa aınalǵanyn aıtqan.

«Men qazir naǵyz boksshymyn. Maǵan zalda tynymsyz jattyǵyp, tájirıbemdi arttyrý óte unaıdy. Men alǵa ǵana jyljyp, óz jumysymdy qarsylastarymnan qaraǵanda joǵary dárejede júrgizip jatyrmyn», - deıdi Kanelo.

«Golovkınniń burynǵy qarsylastarymen shyqqanda jaǵdaı qalaı bolar edi» degen suraqqa Alvares senimdi túrde jaýap bergen.

«Óte ońaı jeńer edim. Men de olardy nokaýtqa jiberer edim. Men úshin bul tipti ońaı iske asar edi», - deıdi Alvares.

Eske sala ketsek, 16 qyrkúıek kúni AQSh-tyń Nevada shtatynda WBA (Super), WBC jáne IBF nusqalary boıynsha álem chempıony Gennadııa Golovkın men meksıkalyq Saýl Alvares rıngte kezdesedi.