Saýl Alvares aýrýxanaǵa tústi
Boksshy óziniń Instagram jelisindegi paraqshasynda fotosyn jáne jasalǵan otaǵa túsinik berdi. Onyń sózine qaraǵanda, shemirshekti qalpyna keltirý úshin tizeniń artroskopııasy jasalǵan. Ondaıda aıaqqa kóp zaqym kelmeıdi. Sebebi terini sál kesip, sol arqyly artroskoppen ota jasalady. "3-4 aptadan keıin qulan-taza jazylyp shyǵamyn", - dep jazdy S.Alvares.
Al meksıkalyq boksshynyń promoýteri Erık Gomestiń aıtýynsha, Alvarestiń tizesinde isik bolǵan. Ota kezinde sony alyp tastady. "Bul jaraqat emes. Golovkınge qarsy jekpe-jek ótpeıtin bolǵannan keıin ota jasaýǵa sheshim qabyldandy. Áıtpese, Saýldyń mazasy ketip júrgen. 5 mamyrda revansh bolǵan kúnde de ol bokstasýǵa daıyn edi. Tizesine qatty zaqym kelmegen", - dedi E.Gomes.
Aıta keteıik, naýryzdyń basynda Saýl Alvares "klenbýterol" atty dopıng qoldanǵany úshin aıyptaldy. Sebebi aqpan aıyndaǵy eki synamasy oń nátıje kórsetti. Osydan keıin AQSh-tyń Nevada shtatynyń atletıkalyq komıssııasy oǵan jekpe-jekterge qatysýǵa tyıym saldy. 18 sáýirde negizgi tyńdaýlar ótedi. Sol kezde meksıkalyq boksshy dopıngti ádeıi qoldanbaǵanyn dáleldeýi tıis. Tyńdaýlar áli ótpese de, Saýl Alvarestiń komandasy 5 mamyr kúngi revanshtan bas tartty. Gennadıı Golovkın bolsa, osy kúnge qarsylas taba almaı júr.