Saýysqandyq shatqalyndaǵy petroglıfter qorshalyp, qorǵaýǵa alynady

<p>Qyzylorda oblysy ákimdiginiń arnaıy qaýlysymen Shıeli aýdany Saýysqandyq shatqalyndaǵy petroglıfter kesheniniń qorǵaý aımaǵy bekitildi. Aldaǵy ýaqytta vandalızmdi toqtatý úshin eskertkish aýmaǵy qorshalyp, arnaıy baqylaýǵa alynady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Saýysqandyq shatqaly Shıeli aýdany aýmaǵynda ornalasqan.

Tarıhshylar petroglıfterdiń jaı-kúıine alańdap, ony qorǵaýǵa alý jóninde usynys bildirgen edi.

Turǵyndar tarapynan tasqa qashalǵan tarıhı eskertkishke jazý jazyp búldirý áreketi tirkeledi.

Foto: Qyzylorda oblysy ákimdigi

Tarıhshylar vandalızmdi toqtatý úshin eskertkish aýmaǵyn qorshap, arnaıy kúzetshi shtatyn bólýdi usynýda.

Qarataý jotasyndaǵy Saýysqandyq shatqalynda qola dáýiriniń, keıingi ortaǵasyrlyq kezeńniń sýretteri men epıgrafıkasy saqtalǵan.

Qyzylorda oblysynyń ákimi Nurlybek Nálibaev bastaǵan top atalǵan aýmaqta senbilik uıymdastyrdy.

Foto: Qyzylorda oblysy ákimdigi

Atalǵan shara barysynda oblys ákimi tarıhshylar usynysyn sheshý joldary qarastyrylatynyn atap ótti.

Foto: Qyzylorda oblysy ákimdigi

«Bul eskertkish – myńjyldyqtardan búginge jetken tarıhı qundylyq. Sondyqtan ony saqtap, keler urpaqqa jetkizý – bizdiń mindetimiz», - dedi Nurlybek Mashbekuly.

Foto: Qyzylorda oblysy ákimdigi

Qyzylorda oblysy ákimdiginiń arnaıy qaýlysymen jartastaǵy beıneler kesheniniń qorǵaý aımaǵy bekitildi.

Oblystyq tarıhı-mádenı muralardy qorǵaý jáne paıdalaný jónindegi ǵylymı-ádistemelik keńes sheshimimen atalǵan oryndy Dúnıejúzilik tabıǵı jáne mádenı muralar tizimine engizý máselesi qoldaý tapty.

Foto: Qyzylorda oblysy ákimdigi

Nátıjesinde «Saýysqandyq shatqalyndaǵy jartastaǵy beıneler kesheni» ıÝNESKO jáne ISEKO isteri jónindegi ulttyq komıssııanyń sheshimimen ıÝNESKO-nyń aldyn-ala respýblıkalyq tizbesine engizilgen.

Foto: Qyzylorda oblysy ákimdigi