Sáýirden bastap Qazaqstannyń barlyq sot úderisteri aýdıo-beıne jazbalarmen qamtylady

ASTANA. QazAqparat - 2016 jyldyń 1 sáýirinen bastap Qazaqstandaǵy barlyq sot úderisteri aýdıo-beıne jazbalarmen qamtamasyz etiledi. Bul týraly búgin QR Joǵarǵy Soty Sottardyń qyzmetin qamtamasyz etý departamentiniń jetekshisi Іlııas Ispanov málim etti.

«Ózderińizge belgili, búgingi kúni barlyq sottarda aýdıo-beıne jazbalar belsendi túrde engizilip jatyr. «100 qadam» Ult josparynyń 20-qadamynda elimizde júrgiziletin sottardyń 100 paıyz qamtý qarastyrylǵan. Bizde 1 407 sot zaldary bar, olardyń 937-si nemese 73,6 paıyzy aýdıo-beıne jazbalarmen qamtamasyz etilgen. Aǵymdaǵy jyldyń 1 sáýirine qaraı biz bul qamtýdy 100 paıyzǵa jetkizemiz», - dedi І.Ispanov.

Onyń aıtýnysha, sot zalynyń jazbalary arnaıy serverlerde saqtalady, bul múddeli tulǵalardyń jazbalardy qasaqana túzetýine jol bermeı, jazbalardyń úzdiksizdigin qamtamasyz etedi. Sonymen qatar, tehnıkalyq problemalar týyndasa, onda sot otyrysy da toqtatylady. Sonymen qatar, beınejazbalar sol is boıynsha Joǵarǵy sottyń sheshimi kúshine engenge deıin saqtalady.

«2016 jyly aýdıo-beıne jazbalarmen qamtamasyz etý úshin sottardy materıaldyq-tehnıkalyq qamtamasyz etý bıýdjetinen 380 mln. teńge bólinetin bolady», - dedi departament jetekshisi.