Saýda obektileri qurylysyna jer berý máselesi qaıta pysyqtalady

ASTANA. QazAqparat – Saýda jáne ıntegratsııa mınıstrliginiń keńeıtilgen alqa otyrysynda vedomstvo basshysy Serik Jumanǵarın saýda obektilerin salýǵa jer berý máselesi qaıta pysyqtalatynyn aıtty, dep habarlaıdy «QazAqparat» tilshisi.

«Saýdadaǵy negizgi máselelerdi sheshý úshin birqatar tıimdi sharalar usynylady. Onyń ishinde saýda salasyna ınvestıtsııa tartý, memlekettik yntalandyrý, saýda obektilerin salý úshin jer ýchaskelerin berý máselesi qaıta pysyqtalady. Sonymen qosa, 70 zamanaýı kókónis qoımasyn salý qajet. 2027 jylǵa qaraı qazirgi saýda formattarynyń úlesin 31 paıyzdan 70 paıyzǵa deıin jetkizý mindeti qoıyldy», - dedi Serik Jumanǵarın.

Mınıstrdiń málimdeýinshe, bul sharalardan ózge, 2025 jylǵa qaraı elektrondyq saýdanyń úlesin bólshek taýar aınalymynyń 15 paıyzyna deıin teńestirý josparlanǵan.