Saýda mınıstrligi eksporttyq ónimderdi qarjylandyrýdy usyndy

NUR-SULTAN. QazAqparat – Saýda jáne ıntegratsııa mınıstri Baqyt Sultanov shıkizattyń emes ónimderdiń eksportyn eki ese arttyrý jospary alǵa qoıylǵanyn málim etti, dep habarlaıdy QazAqparat tilshisi.

«Biz eksporttaýshylar úshin bir tereze qaǵıdatyn qoldaný úshin ınstıtýtsıonaldyq zańnamalyq bazany jetildirýdi josparlap otyrmyz. Bizdiń ınstıtýttardyń áleýetin shynymen eki eselep, odan ary damyta alamyz. Osylaısha, bul shıkizattyq emes eksport kólemin eki esege kóbeıtý mindetine tikeleı áser etedi. Ol úshin biz jańa quraldardy engizýimiz kerek», - dedi Baqyt Sultanov Saýda jáne ıntegratsııa mınıstrliginiń alqa otyrysynda.

Ol osy quraldardyń biri týraly sóz qozǵady.

«Biz saýdany qarjylandyrý sııaqty quraldy engizýdi usyndyq. Naqtyraq aıtqanda bizdiń eksporttyq ónimdi qarjylandyrý kerek. Odan bólek qosymsha qun salyǵyn jeńildetile otyryp, qaıtarý úshin eksporttyq óndirýshileriniń tizimi qurylady. Eksportty pragmatıkalyq túrde josparlaý - aqyldy taldaý júıesine negizdeledi. Munyń bári bizdiń eksport.gov.kz portaly arqyly júzege asyrylady», - dedi mınıstr.