Saýda mınıstri Ulttyq taýar ótkizý júıesi týraly túsindirdi
«Іshki naryqty sapaly taýarlarmen tolyqtyrý maqsatynda otandyq taýar óndirýshilerge qolaıly jaǵdaı týǵyzý úshin Ulttyq taýar ótkizý júıesin qurý baǵytynda jumys júrgizilýde. Ol azyq-túlik tizbeginiń shyǵyndaryn azaıtý, baǵalardy turaqtandyrý, saýda ınfraqurylymyn damytý jáne eksport arnalaryn qurý sharalaryn keshendi túrde iske asyrýǵa múmkindik beredi», - dedi mınıstr Úkimet otyrysynda.
Onyń sózine qaraǵanda, taýarlardy taratýdyń jańa júıeli ınfraqurylymy Eýrazııalyq azyq-túlik habynyń basty ınfraqurylymyna aınalady. Bul - Memleket basshysynyń Joldaýynda alǵa qoıylǵan mindetterdiń biri.
«Ulttyq taýar ótkizý júıesi fermerler, olardyń ónimin kóterme satyp alýshylar, tasymaldaýshylar, satýshylar men tutynýshylar klasterlerin biriktirý úshin zákirlik ınfraqurylym retinde áreket etedi. Usynylyp otyrǵan júıeniń ózegi úsh túrdegi kóterme-taratý ortalyqtarynyń biryńǵaı jelisi bolady», - dedi Sultanov.
Birinshi. Saqtaý kóterme-taratý ortalyqtary – bul taǵam óndirý aımaqtarynda fermerlerdiń ónimderin qabyldaý, saqtaý jáne bastapqy pysyqtaý, ıaǵnı jýý, kalıbrleý, býyp-túıý sııaqty jumystar boıynsha jáne olardy keıinnen ótkizý úshin qyzmetterdi kórsetedi.
Ekinshi túri – Saýda kóterme-taratý ortalyqtary. Olar oblys ortalyqtary men iri shaharlardyń mańynda ornalasatyn bolady.
Olardyń fýnktsııalary – fermerlerge, kóterme treıderlerge jáne dıstrıbıýtorlarǵa, sondaı-aq saýda jelileri, dúkender men bazarlar, qoǵamdyq tamaqtandyrý sııaqty satyp alýshylarǵa ónimdi ótkizý úshin saýda ınfraqurylymyna erkin qol jetkizý, ótkizý kezeńinde ýaqytsha saqtaý, pysyqtaý jáne basqa da ilespe qyzmetter.
Úshinshi túri – Taratý ortalyqtary qalalar sheginde nemese qala mańynda ornalasady. Olardyń maqsaty – saýda obektileriniń muqtajdyqtary úshin otandyq taýar óndirýshilerdiń ónimderi men ımporttyq taýarlardyń kóterme partııalaryn ýaqytsha saqtaý jáne qaıta tıeý boıynsha logıstıkalyq qyzmetterdi kórsetý.
«Osylaısha, Ulttyq taýar ótkizý júıesi óndirýshilerdiń ótkizý naryqtaryna «alqaptan» «sórege» deıin, al tutynýshylarǵa sapaly ónimmen erkin qol jetkizýin qamtamasyz etedi. Kóterme-taratý ortalyqtarynyń osyndaı úsh túrli obektileri ónimdi saqtaý jáne qaıta taratý boıynsha qyzmetterdiń tolyq keshenin kórsetetin bolady», - dep naqtylady mınıstr.